سٹیٹ بینک کی جانب سے جشن معرکہ حق کے موقع پر 75 روپے کے یادگاری سکّے کا اجراء

جمعہ 15 اگست 2025 17:41

سٹیٹ بینک کی جانب سے جشن معرکہ حق کے موقع پر 75 روپے کے یادگاری سکّے کا ..
اسلام آباد (اُردو پوائنٹ اخبارتازہ ترین - اے پی پی۔ 15 اگست2025ء) وفاقی حکومت کی جانب سے معرکہ حق میں مسلح افواج کی بہادری کو خراج تحسین پیش کرنے اور ملک کے 78ویں یوم آزادی کے موقع پر 75 روپے مالیت کا یادگاری سکّہ جاری کیا ہے۔سٹیٹ بینک کی طرف سے جاری بیان کے مطابق یادگاری سکہ مندرجہ ذیل دھاتی ساخت، شکل اور خصوصیات کا حامل ہے، اس کی دھاتی ساخت 79 فیصدتانبہ،20 فیصد زنک اور ایک فیصد نکل پر شامل ہے، اس سکے کا قطر 30 ملی میٹر اور وزن 13.5 گرام ہے ، سامنے کے رخ پر وسط میں بڑھتا ہوا ہلال اور پانچ نوکوں کا ابھرتا ہوا ستارہ ہے جس کا رخ شمال مغرب کی طرف ہے، ستارے اور ہلال کے اوپر سکّے کے کنارے کے ساتھ ساتھ اردو میں ’’اسلامی جمہوریہ پاکستان‘‘ کے الفاظ کندہ ہیں، چاند کے نیچے اور گندم کی اوپر کی طرف خمیدہ دو بالیوں کے اوپر عددی صورت میں اجراء کا سال 2025ء درج ہے، ستارے اور ہلال کے دائیں اور بائیں جانب بالترتیب سکّے کی مالیت جلی اعداد میں ’’75 ‘‘ اور اردو رسم الخط میں ’’روپیہ‘‘ تحریر ہے جبکہ پچھلے رخ پر وسط میں اردو میں ’’معرکہ حق‘‘ اور ہندسوں میں ’’2025 ‘‘کے الفاظ درج ہیں، سکّے کے بالائی کناروں پر اردو میں ’’پاکستان ہمیشہ زندہ باد‘‘ رقم ہے، سکّے کے پچھلے رخ پر (دائیں اور بائیں جانب ) دو لڑاکا طیارے، بحری جہاز، ملٹی پل راکٹ لانچر سسٹم ابھرے ہوئے دکھائی دیتے ہیں۔

(جاری ہے)

مذکورہ سکّہ سٹیٹ بینک بینکنگ سروسز کارپوریشن کے فیلڈ دفاتر کے ایکسچینج کائونٹرز پر 15 اگست 2025 سے دستیاب ہے ۔\932

متعلقہ عنوان :