خیبر پختونخوا‘ سیلاب متاثرہ علاقوں میں ایٹا کے تمام ٹیسٹ ملتوی

ْڈائریکٹر ایٹا نے بتایا کہ ملتوی کیے گئے ٹیسٹ کی نئی تاریخوں کا اعلان بعد میں کیا جائے گا

ہفتہ 16 اگست 2025 13:32

پشاور(اُردو پوائنٹ اخبارتازہ ترین - این این آئی۔ 16 اگست2025ء)خیبر پختونخوا کے بالائی اور زیریں دیر سمیت چترال کے سیلاب سے متاثرہ علاقوں میں ہونے والے ایٹا کے تمام ٹیسٹ ملتوی کر دئیے گئے۔

(جاری ہے)

ایٹا حکام کے مطابق متاثرہ اضلاع میں شدید بارشوں اور سیلابی صورتحال کے باعث امتحانات کا انعقاد ممکن نہیں رہا۔ڈائریکٹر ایٹا نے بتایا کہ ملتوی کیے گئے ٹیسٹ کی نئی تاریخوں کا اعلان بعد میں کیا جائے گا۔ ان کا کہنا تھا کہ طلبہ و طالبات کی سہولت کو مدنظر رکھتے ہوئے تمام فیصلے حالات بہتر ہونے پر کیے جائیں گے۔