سعودی کسٹم نے ایک ہفتے میں سمگلنگ کی ایک ہزار 302 کوششوں کو ناکام بنایا

اتوار 17 اگست 2025 10:30

اسلام آباد (اُردو پوائنٹ اخبارتازہ ترین - اے پی پی۔ 17 اگست2025ء) سعودی زکوۃ، ٹیکس اینڈ کسٹمز اتھارٹی نے گزشتہ ایک ہفتے کے دوران بری، بحری اور فضائی پورٹس پر سمگلنگ کی ایک ہزار 302 کوششوں کو ناکام بنایا ہے۔یہ اقدام معاشرے کو ممنوعہ اشیا سے بچانے اور نیشنل سکیورٹی برقرار رکھنے کی مسلسل کوششوں کا حصہ ہے۔

(جاری ہے)

ایس پی اے کے مطابق اتھارٹی کی جانب سے بیان میں کہا گیا کہ ضبط کی جانے والی 144ممنوعہ اشیا میں 66 اقسام کی منشیات شامل ہیں، ایک ہزار 219 تمباکو اوراس کی مصنوعات، غیراعلانیہ مالی رقوم کے علاوہ ہتھیار اور اس سے منسلک آلات کے کیسز بھی پکڑے ہیں۔

زکوۃ، ٹیکس اینڈ کسٹمز اتھارٹی نے ملکی درآمدات اور برآمدات پر کسٹم کنٹرول کو مضبوط بنانے، معاشرے کے تحفظ کو یقینی بنانے کے عزم کا اعادہ کیا۔