جہانگیر ترین سیلاب متاثرین کی جلد بحالی کے لئے سرگرم ،5کروڑ روپے امداد کا اعلان

سیلاب متاثرہ پاکستانیوں کی مدد کے لیے مشترکہ قومی کاوش کی ضرورت ہے‘ جہانگیر خان ترین

ہفتہ 23 اگست 2025 16:55

جہانگیر ترین سیلاب متاثرین کی جلد بحالی کے لئے سرگرم ،5کروڑ روپے امداد ..

لاہور (اُردو پوائنٹ اخبارتازہ ترین - این این آئی۔ 23 اگست2025ء) جہانگیر خان ترین خیبر پختونخواہ کے سیلاب متاثرین کی جلد بحالی کے لئے سرگرم ہیں۔ جہانگیر ترین نے سیلاب متاثرین کے لئے 5کروڑ روپے امداد کا اعلان کیا ہے۔

(جاری ہے)

جہانگیر ترین کی خصوصی ہدایت پر انکی سماجی تنظیم لوھراں پائلٹ پراجیکٹ کی جانب سے بونیر، باجوڑ اور سوات میں سیلاب متاثرین میں راشن، ادویات،کھانا، کمبل، بستر، کچن سیٹ سمیت دیگر اشیاء کی تقسیم کاعمل جاری ہے۔

اس حوالے سے جہانگیر خان ترین نے کہا کہ سیلاب متاثرہ بہن بھائیوں کی مدد کے لیے کوئی کسر اٹھا نہیں رکھی جائے گی۔ مشکل کی اس گھڑی میں اپنے سیلاب متاثرہ بہن بھائیوں کے ساتھ کھڑا ہوں۔ انہوں نے کہا کہ سیلاب متاثرہ پاکستانیوں کی مدد کے لیے مشترکہ قومی کاوش کی ضرورت ہے۔ سیلاب سے متاثرہ پاکستانیوں کی بحالی میں سب کو ملکر اپنا کردار ادا کرنا ہوگا۔