ٹاپ سیڈڈ جینک سنر اور سیکنڈ سیڈڈ کارلوس الکاراز سنسناٹی اوپن ٹینس مینز سنگلز کے فائنل میں پہنچ گئے

پیر 18 اگست 2025 08:20

اوہائیو (اُردو پوائنٹ اخبارتازہ ترین - اے پی پی۔ 18 اگست2025ء) اٹلی کے نامور ٹینس سٹار، عالمی نمبر ون اور ایونٹ کے دفاعی چیمپئن جینک سنر اور سپین کے نامور ٹینس سٹار ، ایونٹ کے سیکنڈ سیڈڈ کارلوس الکاراز نے اپنی فتوحات کے سلسلے کو برقرر رکھتے ہوئے سنسناٹی اوپن ٹینس ٹورنامنٹ میں مردوں کے سنگلز مقابلوں کے فائنل میں پہنچ گئے۔ 24 سالہ اطالوی ٹینس سٹار نے مردوں کے سنگلز مقابلوں کے سیمی فائنل رائونڈ میچ میں حریف فرانسیسی ٹینس سٹار ٹیرنس اتمانے کو شکست دے کر فائنل کے لئے کوالیفائی کیاجبکہ سپین کے سیکنڈ سیڈڈ کارلوس الکاراز نے مینز سنگلز سیمی فائنل رائونڈ میچ میں جرمنی کے حریف کھلاڑی اور تھرڈ سیڈڈ الیگزینڈر زویروف کو شکست دے کر فائنل کے لئے کوالیفائی کیا ۔

(جاری ہے)

امریکی ریاست اوہائیو کے شہر سنسناٹی میں جاری ایونٹ میں کانٹے دار مقابلوں کا سلسلہ جاری ہے جس میں شائقین ٹینس کو انتہائی دلچسپ مقابلے دیکھنے کو مل رہے ہیں ۔ مردوں کے سنگلز مقابلوں کے سیمی فائنل رائونڈ میچ میں24 سالہ اٹلی کے جینک سنر نے اپنے یوم پیدائش کے موقع پر شاندار کارکردگی کا مظاہرہ کرتے ہوئے حریف فرانسیسی ٹینس سٹار ٹیرنس اتمانے کو ٹائی بریک پر سٹریٹ سیٹس میں 6-7(4-7) اور 2-6 سے ہرا کر فائنل کے لئے کوالیفائی کرلیا۔

یہ بات بھی قابل ذکر ہے کہ گزشتہ تین سالوں میں جینک سِنر نے شاندار ترقی کرتے ہوئے چار گرینڈ سلام ٹائٹلز جیتے اور اب وہ ٹینس میں مردوں کے سنگلز مقابلوں کی عالمی رینکنگ میں ٹاپ پوزیشن پر موجود ہیں ۔جینک سِنر اب فائنل میں ہسپانوی نامور ٹینس سٹار اور ایونٹ کے سیکنڈ سیڈڈ کارلوس الکاراز سے پنجہ آزمائی کریں گے۔ایک اور سیمی فائنل میچ میں 22 سالہ ہسپانوی ٹینس سٹار کارلوس الکاراز نے عمدہ کھیل پیش کرتے ہوئے جرمنی کے حریف کھلاڑی اور تھرڈ سیڈڈ الیگزینڈر زویروف کو سٹریٹ سیٹس میں 4-6اور 3-6سے شکست دے کر ایونٹ کے فائنل کے لئے کوالیفائی کرلیا۔ \932