اٹک، معمولی تنازعے پر شہری کو اسلحہ آتشیں سے قتل کرنے والے ملزمان گرفتار

پیر 18 اگست 2025 18:00

اٹک (اُردو پوائنٹ اخبارتازہ ترین - اے پی پی۔ 18 اگست2025ء) اٹک پولیس نے معمولی تنازعے پر شہری کو اسلحہ آتشیں سے قتل کرنے والے ملزمان گرفتار کر لئے۔

(جاری ہے)

مورخہ 20.07.2025 کو حارث علی ولد سردار علی خان سکنہ ملہو ضلع اٹک نے تھانہ رنگو میں بیان دیا کہ میرا بھائی اویس قرنی جو غیر شادی شدہ تھا اور ہمارے بہنوئی سمیع اللہ کی زمینوں پر فورملی میں کھتی باڑی کرتا تھا جہاں زمینوں کے قریب عباس خٹک وغیرہ بھی رہائش پذیر تھے جو اکثر مویشیوں کے فصل میں جانے کی وجہ سے میرے بھائی کے ساتھ لڑائی جھگڑا کرتے رہتے تھے آج مجھے میرے بھائی نے بذریعہ فون بتایا کہ میرا عباس خٹک وغیرہ کے ساتھ مویشیوں کی وجہ سے پھر جھگڑا ہوا جن سے مجھے خطرہ جان ہے جس پر میں ہمراہ وحید خان بنگش کے وہاں پہنچا تو لڑائی جھگڑے کی آواز سن کر دیکھا کہ عباس خٹک ولد شیر حوس خان بامسلح پسٹل اور ممریز خان ولد عیسی خان سکنائے فورملی میرے بھائی اویس قرنی سے لڑائی جھگڑا کر رہے تھے جو ہمارے دیکھتے ہی دیکھتے دونوں نے پسٹل کے فائر کئے جو میرے بھائی کو جسم پر مختلف حصوں پر لگے جس سے میرا بھائی گر گیا اور وہ دونوں وہاں سے بھاگ گئے میرا بھائی زخموں کی تاب نہ لاتے ہوئے جاں بحق ہو گیا جس پر تھانہ رنگو پولیس نے مقدمہ درج کر کے تفتیش مقدمہ ایچ آئی یو سٹاف حضرو کو مارک کی جنہوں نے قلیل وقت میں نامزد ملزمان کو گرفتار کر کے آہنی سلاخوں کے پیچھے دھکیل دیا ملزمان سے آلہ قتل اسلحہ ناجائز الگ الگ برآمد کر کے الگ لاگ مقدمات اسلحہ آرڈیننس کے تحت درج کر لئے گئے جن سے مزید تفتیش جاری ہے۔

\378