وزیرداخلہ محسن نقوی کا نادرا سنٹر و پاسپورٹ آفس کا اچانک دورہ

پیر 18 اگست 2025 22:42

لاہور (اُردو پوائنٹ اخبارتازہ ترین - آن لائن۔ 18 اگست2025ء) وفاقی وزیرداخلہ محسن نقوی نے نادرا سنٹر کوٹ عبدالمالک اور پاسپورٹ آفس شاہدرہ کا اچانک دورہ کیا، جہاں انہوں نے شناختی کارڈز، دستاویزات اور پاسپورٹ بنوانے کے عمل کا تفصیلی جائزہ لیا۔نادرا سنٹر کوٹ عبدالمالک دفتر تزئین و آرائش کی وجہ سے بند پایا گیا جبکہ دو موبائل وینز شہریوں کو سہولت فراہم کر رہی تھیں۔

تاہم انٹرنیٹ ڈاؤن ہونے کے باعث شہریوں کی لمبی قطاریں لگ گئیں۔ شہریوں نے شکایت کی کہ ہیلپ لائن پر بھی درست رہنمائی فراہم نہیں کی جارہی۔ وزیرداخلہ نے شہریوں کے مسائل سن کر انٹرنیٹ کا مسئلہ فوری حل کرنے اور سنٹر کو جلد از جلد آپریشنل کرنے کی ہدایت دی۔محسن نقوی نے کہا کہ جب ہر سنٹر سے شناختی کارڈ بنوانے کی سہولت موجود ہے تو شہریوں کو دوسرے سنٹر جانے پر مجبور کرنا ناقابل قبول ہے۔

(جاری ہے)

بعد ازاں انہوں نے پاسپورٹ آفس شاہدرہ کا بھی معائنہ کیا۔ شہریوں نے پاسپورٹ ڈلیوری میں تاخیر کی شکایات پیش کیں، جس پر وزیرداخلہ نے ریکارڈ کا جائزہ لیتے ہوئے برہمی کا اظہار کیا اور تمام ریکارڈ فوری طور پر آن لائن کرنے کا حکم دیا۔ انہوں نے واضح کیا کہ پاسپورٹ کی ڈلیوری مقررہ مدت میں یقینی بنائی جائے۔وزیرداخلہ محسن نقوی نے کہا کہ شہری کسی بھی پاسپورٹ سنٹر سے پاسپورٹ بنوا سکتے ہیں، ایک سنٹر سے دوسرے سنٹر کے چکر لگوانا ناقابل برداشت ہے۔ مزید بتایا کہ جن بچوں کے والد بیرون ملک مقیم ہیں، ان کے پاسپورٹ بنوانے کے لیے نئی پالیسی مرتب کی جا رہی ہی