مختلف رٹ پٹیشنز کی نوعیت و قانونی حیثیت پر غور کرنے کے لئے وزیر قانون و پارلیمانی امور کی زیر صدارت اہم اجلاس

پیر 18 اگست 2025 23:05

پشاور(اُردو پوائنٹ اخبارتازہ ترین - این این آئی۔ 18 اگست2025ء)خیبر پختونخوا کے وزیر قانون و پارلیمانی امور آفتاب عالم ایڈووکیٹ کی زیر صدارت ایک اہم اجلاس منعقد ہوا۔ اجلاس میں وزیر زراعت میجر (ر) سجاد بارکوال اوروزیربرائے اعلیٰ تعلیم مینا خان آفریدی، سمیت متعلقہ محکموں کے حکام نے شرکت کی۔اجلاس میں بنام سرکار مختلف رٹ پٹیشنز کی قانونی حیثیت و نوعیت کے حوالے سے تفصیلی غور و خوض کیا گیا۔

(جاری ہے)

اس موقع پر شرکاء کو کیسز کی موجودہ صورتحال اور قانونی پہلوؤں پر بریفنگ دی گئی جبکہ آئندہ کی حکمت عملی پر بھی مشاورت کی گئی۔وزیر قانون و پارلیمانی امور آفتاب عالم ایڈووکیٹ نے اس موقع پر ہدایت کی کہ تمام متعلقہ محکمے قانونی تقاضوں اور مقررہ ضوابط کے مطابق اپنا کردار ادا کریں اور بروقت پیش رفت کو یقینی بنائیں تاکہ معاملات کو شفاف اور مؤثر انداز میں آگے بڑھایا جا سکے۔