ضلعی انتظامیہ کی جانب سے شہر کے مختلف سب ڈویژ نز بشمول سریاب، صدر، سٹی اور کچلاک میں پرائس کنٹرول کے تحت کاروائیاں جاری

منگل 19 اگست 2025 21:50

کوئٹہ (اُردو پوائنٹ اخبارتازہ ترین - اے پی پی۔ 19 اگست2025ء) ضلعی انتظامیہ کی جانب سے شہر کے مختلف سب ڈویژ نز بشمول سریاب، صدر، سٹی اور کچلاک میں پرائس کنٹرول کے تحت کاروائیاں جاری ہیں۔ اسپیشل مجسٹریٹ حسیب سردار نے نواں کلی ، عالمو چوک پر تندوروں، قصابوں،دودھ کی دکانوں اور جنرل اسٹورز سمیت 110دکانوں کا معائنہ کیا ۔

(جاری ہے)

خلاف ورزی کرنے پر 30 دکانداروں کو گرفتار ،10 دکانیں سیل اور 14 افراد کو جیل بھیجا گیاجبکہ 25 دکانداروں کو 50 ہزار روپے کے مجموعی جرمانے عائد کیے گئے۔

اسپیشل مجسٹریٹ عزت اللہ نے سب ڈویڑن سریاب کے مختلف علاقوں میں پرائس کنٹرول کاروائیاں کیں۔ اس کے علاوہ اسپیشل مجسٹریٹ لیاقت علی جتوئی نے گوالمنڈی چوک، طوغی روڈ اور دیگر علاقوں میں پرائس کنٹرول کاروائیاں کیں۔ضلعی انتظامیہ کے مطابق عوام کو ریلیف فراہم کرنے اور ناجائز منافع خوری کے خاتمے کے لیے یہ کارروائیاں جاری رہیں گی۔