آسٹریلیا اور جنوبی افریقا کی ٹیموں کے درمیان 3ایک روزہ کرکٹ میچوں کی سیریز کا دوسرا میچ 22 اگست کو کھیلا جائے گا

بدھ 20 اگست 2025 08:00

کینبرا (اُردو پوائنٹ اخبارتازہ ترین - اے پی پی۔ 20 اگست2025ء) آسٹریلیا اور جنوبی افریقا کی کرکٹ ٹیموں کے درمیان تین ایک روزہ بین الاقوامی میچوں پر مشتمل سیریز کا دوسرا میچ 22 اگست کو گریٹ بیریئر ریف ایرینا، میکے میں کھیلا جائے گا۔مہمان جنوبی افریقا کی ٹیم کو میزبان کینگروز کے خلاف ون ڈے سیریز میں 0-1 کی برتری حاصل ہے۔ پروٹیز نے پہلے ون ڈے میچ میں کینگروز کو 98 رنز سے شکست دی تھی۔

اس سے قبل جنوبی افریقا اور میزبان آسٹریلیا کی ٹیموں کے درمیان کھیلی گئی تین ٹی ٹونٹی میچوں کی سیریز میزبان آسٹریلوی ٹیم نے پروٹیز سے 1-2 سے جیت لی تھی۔ جنوبی افریقا کی ٹیم اپنے دورہ آسٹریلیا کے دوران میزبان ٹیم کے خلاف تین ٹی ٹونٹی اور تین ایک روزہ بین الاقوامی میچوں کی سیریز کھیلنا ہے ، جس میں سے ٹی ٹونٹی سیریز مکمل ہوچکی ہے جبکہ ون ڈے سیریز کا ایک میچ کھیلا جا چکا ہے ۔

(جاری ہے)

جنوبی افریقا اور آسٹریلیا کی ٹیموں کے درمیان 3 ون ڈے کرکٹ میچوں کی سیریز کا دوسرا ون ڈے میچ 22 اگست کو گریٹ بیریئر ریف ایرینا، میکےکے مقام پر کھیلا جائے گاجبکہ تیسرا اور آخری ون ڈے میچ 24 اگست کو اسی مقام گریٹ بیریئر ریف ایرینا، میکے میں کھیلا جائے گا۔ تینوں ایک روزہ میچز ڈے اینڈ نائٹ ہوں گے اور فلڈ لائٹس کی روشنی میں کھیلے جائیں گے۔ون ڈے سیریز میں میزبان آسٹریلوی ٹیم کی قیادت مایہ ناز آل رائونڈر مچل مارش کریں گے جبکہ جنوبی افریقا کی ٹیم کی قیادت ٹیمبا بووما کریں گے ۔\932