بارشیں اور سیلاب، ماہرہ خان نے اپنا خوفناک تجربہ بیان کردیا

نتھیا گلی سے واپسی پر شدید خوف کا شکار رہی،ایسا لگا سیلاب اور لینڈ سلائیڈنگ کا شکار بن سکتی ہوں اداکارہ

بدھ 20 اگست 2025 15:43

بارشیں اور سیلاب، ماہرہ خان نے اپنا خوفناک تجربہ بیان کردیا

راولپنڈی (اُردو پوائنٹ اخبارتازہ ترین - این این آئی۔ 20 اگست2025ء)اداکارہ ماہرہ خان نے انکشاف کیا ہے کہ حالیہ بارشوں اور سیلاب کے سیزن میں نتھیا گلی سے واپسی پر وہ شدید خوف کا شکار رہیں، انہیں ڈر لگا رہا ہے کہ وہ سیلاب یا لینڈ سلائیڈنگ کا شکار بن جائیں گی۔ماہرہ خان نے انسٹاگرام اسٹوری میں انکشاف کیا کہ وہ خیبر پختونخوا کے ضلع ایبٹ آباد کے سیاحتی مقام نتھیا گلی سے واپسی پر سیلاب اور لینڈ سلائیڈنگ کے خطرے کا شکار ہوئیں۔

اداکارہ نے اسٹوری میں بتایا کہ ایک روز قبل ہی وہ نتھیا گلی سے واپس آ رہیں تھیں تو راستے میں وہ شدید خوف شکار ہوئیں، انہوں نے خود کو بے بس محسوس کیا۔ماہرہ خان نے لکھا کہ نتھیا گلی سے واپسی پر بار بار انہیں خوف آتا رہا کہ وہ سیلاب یا لینڈ سلائیڈنگ کا شکار ہو سکتی ہیں اور انہیں مذکورہ خوف آتے وقت سیلاب متاثرہ افراد کا خیال بھی آیا۔

(جاری ہے)

اداکارہ نے لکھا کہ انہیں احساس ہے کہ سیلاب یا لینڈ سلائیڈنگ کی زد میں آنے والے افراد کس طرح بے بس ہوتے ہوں گے۔اداکارہ نے لکھا کہ انہیں احساس ہے کہ کس طرح لوگ قدرتی آفات کے آگے بے بس ہوتے ہوئے، اپنی زندگیاں، اپنے پیارے اور گھر ڈوبتے ہوئے دیکھتے ہیں۔ماہرہ خان نے ملک میں حالیہ بارشوں اور سیلاب کی تباہ کاریوں کے پیش نظر خدا سے رحم کی دعا بھی مانگی۔اگرچہ اداکارہ نے بتایا کہ وہ نتھیا گلی سے واپسی پر شدید خوف کا شکار رہیں اور انہیں لگا کہ وہ سیلاب اور لینڈ سلائیڈنگ کا شکار بن سکتی ہیں، تاہم انہوں نے واضح طور پر اپنے ساتھ پیش آنے والے واقعے کی تفصیلات نہیں بتائیں۔