بھارتی اداکار اچیوت پوتدار 91 سال کی عمر میں چل بسے

سینئر اداکار نے بالی ووڈ کے علاوہ مراٹھی اور ٹی وی میں بھی اداکاری کی تھی

بدھ 20 اگست 2025 15:14

ممبئی (اُردو پوائنٹ اخبارتازہ ترین - این این آئی۔ 20 اگست2025ء)بھارتی اداکار اچیوت پوتدار 91 سال کی عمر میں چل بسے۔بھارتی میڈیا کے مطابق انہوں نے بالی ووڈ کی مشہور فلم تھری ایڈیٹس میں پروفیسر کا کردار نبھایا تھا۔میڈیا رپورٹس کے مطابق اچیوت پوتدار کی موت کی وجہ فی الحال سامنے نہیں آئی ہے۔ وہ کافی عرصے سے زیرِ علاج تھے۔

(جاری ہے)

سینئر اداکار نے بالی ووڈ کے علاوہ مراٹھی اور ٹی وی میں بھی اداکاری کی تھی۔بالی ووڈ فلم تھری ایڈیٹس میں ان کا ڈائیلاگ کہنا کیا چاہتے ہو بہت مشہور ہوا تھا جسے آج بھی میمز میں بہت زیادہ استعمال کیا جاتا ہے۔اچیوت پوتدار نے کئی بڑی اور مشہور بالی ووڈ فلموں میں کام کیا جن میں لگے رہو منا بھائی، دبنگ ٹو، عشق اور دیگر شامل ہیں۔