ٹیلرسوئفٹ کی نئی البم دی لائف آف اے شو گرل صرف ایک گھنٹے میں فروخت

بدھ 20 اگست 2025 15:43

نیویارک(اُردو پوائنٹ اخبارتازہ ترین - این این آئی۔ 20 اگست2025ء)معروف امریکی گلوکارہ ٹیلر سوئفٹ کے نئے آنے والے البم (The Life of a Showgirl) نے ریلیز سے قبل ہی مداحوں کی بے چینی کو نئی بلندیوں پر پہنچا دیا۔ٹیلر سوئفٹ اپنے بارہویں سٹوڈیو البم دی لائف آف اے شو گرل کے ذریعے مداحوں کی دیوانگی کی نئی تعریف متعین کر رہی ہیں۔یہ خصوصی وینائل ایڈیشنز (سی ڈیز) دو دلکش ماربل نما رنگوں میں پیش کیے گئے تھے، ونٹر گرین آنکس (wintergreen onyx) اور وائلٹ (violet shimmer) ہر ایڈیشن کے کوور پیج پر ٹیلر سوئفٹ کی ایک الگ اور پرکشش تصویر موجود تھی، جس میں وہ ایک چمکدار، ڈرامائی لیوٹارڈ، فلیئرڈ ایکسنٹس اور میچنگ دستانے پہنے دکھائی دیں۔

یہ محدود ایڈیشن ریکارڈز گزشتہ روز ٹیلر سوئفٹ کے آفیشل ویب اسٹور پر ایک کانٹ ڈان کے ذریعے متعارف کرائے گئے جو The Shiny Bug Collection کا حصہ تھے، اگرچہ یہ ایڈیشنز 48 گھنٹے تک دستیابی اور جب تک سٹاک موجود ہو کی بنیاد پر پیش کیے گئے تھے، دونوں ورژنز 60 منٹ کے اندر ختم ہو گئے۔

(جاری ہے)

یہ نئی وینائل ریلیزز گزشتہ ہفتے جاری کی گئی تین ڈیلکس سی ڈی (Deluxe CD) ایڈیشنز کے بعد سامنے آئیں، جو اپنی مقررہ فروخت کی مدت ختم ہونے سے قبل ہی فروخت ہو چکی تھیں، اگرچہ وہ وائنلز کی نسبت کچھ دیر تک دستیاب رہیں۔

گلوکارہ نے ایک پوڈکاسٹ میں اپنے بوائے فرینڈ ٹریوس کیلسی کے ہمراہ شرکت کے دوران اپنے نئے آنے والے البم کی باقاعدہ تصدیق کی تھی، ٹیلر سوفٹ نے اعلان کیا تھا کہ دی لائف آف اے شو گرل کے نام سے میرا البم ریلیز ہونے والا ہے جس میں 12 گانے شامل ہوں گے اور اسے 3 اکتوبر 2025 کو ریلیز کیا جائے گا۔