ہسپانوی فٹ بال لیگ لالیگا کے 95ویں سیزن کا آغاز 15اگست سے ہوگا،دفاعی چیمپئن بارسلونا

میڈرڈ (اُردو پوائنٹ اخبارتازہ ترین - اے پی پی۔ 20 اگست2025ء) ہسپانوی فٹ بال لیگ لالیگا کے 95 ویں سیزن کا آغاز15اگست سے ہوگا ۔لالیگا ای اے سپورٹس کے نام سے بھی جانا جاتا ہے ۔ہسپانوی فٹبال لیگ "لالیگا" کے نئے سیزن 2025-26 کے کامیاب انعقاد کے لئے تمام تر تیاری مکمل ہو چکی ہے۔ نئے سیزن میں 20 ٹیمیں ایک مرتبہ پھر ٹائٹل کے لیے پنجہ آزمائی کریں گی، جن میں دفاعی چیمپئن بارسلونا،الاویز،ایتھلیٹک بلباو،اٹلیٹیکو میڈرڈ،سیلٹا ویگو،ایلچے،ایسپانیول،گیٹافے،گیرونا،لیوانتے،مایورکا،اوساسونا،ریال اووییدو،ریوو ویلیکانو،ریال بیٹس،ریال میڈرڈ،ریال سوسیداد،سیویلا،ویلنسیا اور ویلریال شامل ہیں۔

لیگ لالیگا کے 95 ویں سیزن میں 17 گزشتہ سیزن کی ٹیمیں جبکہ 3 ٹیمیں دوسری ڈویژن( سیگنڈا ڈویژن) سے ترقی پا کر شامل ہوئی ہیں۔

(جاری ہے)

تنزلی کا شکار ہوکر لالیگا لیگ سے باہر ہونے والی تین ٹیموں میں ریال ویلاڈولڈ، لاس پالماس اور لیگینس ہیں۔ ریال ویلاڈولڈ کو 25 اپریل 2025 کو ریال بیٹس کے ہاتھوں 1-5 کی شکست کے بعد لیگ سے باہر کر دیا گیا۔ ریال ویلاڈولڈصرف ایک سیزن کے بعد ہی واپس دوسری ڈویژن میں چلی گئی۔

دوسری ٹیم لاس پالماس تھی، جسے 14 مئی کو سیویلاکے خلاف 0-1 کی شکست نے دو سال بعد لالیگا لیگ سے رخصت کر دیا۔آخری دن کی ڈرامائی صورتحال میں لیگانیس کو تنزلی کا سامنا کرنا پڑا، جب سپینیوئل نے لاس پالماس کو شکست دے کر لالیگا میں اپنی جگہ پکی کرلی ۔ لیگینس کی ٹیم بھی صرف ایک سیزن بعد واپس دوسری ڈویژن میں چلی گئی۔دوسری ڈویژن سے ترقی پانے والی تین ٹیمیں لالیگا میں ترقی پا کر شامل ہوئی ہیں ان میں لیوانتے،ایلچے اورریال اووییدو شامل ہیں۔

لالیگا لیگ کی انتظامیہ کے مطابق نئے سیزن کی شروعات کے ساتھ شائقین کو نئے جوش و خروش سے بھرپور فٹبال میچز دیکھنے کو ملیں گے ۔ ہسپانوی فٹ بال لیگ لالیگا کے اب تک کھیلے گئے سیزنز میں ریال میڈرڈ کی ٹیم سب سے زیادہ 36 مرتبہ جیت کر ٹاپ پر ہے ،دفاعی چیمپئن بارسلونا کی ٹیم 28 مرتبہ جیت کر دوسرے جبکہ اٹلیٹیکو میڈرڈ کی ٹیم 11 مرتبہ ٹائٹل جیت کر تیسرے نمبر پر ہے۔

ایتھلیٹک بلباو کی ٹیم لیگ لالیگا 8 مرتبہ جیت چکی ہے اور وہ چوتھے نمبر پر ہے ،ویلنسیا کی ٹیم 6مرتبہ،ریال سوسیداد2جبکہ ڈیپورٹیو لا کورونا،سویلا اور ریال بیٹس کی ٹیمیں ایک، ایک مرتبہ ٹائٹل جیت چکی ہیں۔ہسپانوی فٹ بال لیگ لالیگاکے 95 ویں ایڈیشن کا پہلا میچ 15 اگست کوریوو ویلیکانو اور گیرونا کی ٹیموں کے درمیان میونسپلٹی آف مونٹیلیوی، گیرونا میں کھیلا جائے گا۔ \932