لاہورسیشن کورٹ نے یوٹیوبر ڈکی بھائی کی اہلیہ کی ضمانت منظور کر دی

بدھ 20 اگست 2025 22:04

لاہور(اُردو پوائنٹ اخبارتازہ ترین - آن لائن۔ 20 اگست2025ء) لاہور کی سیشن کورٹ نے ویڈیوز میں جوئے کو پروموٹ کرنے کے کیس میں یوٹیوبر سعد الرحمان المعروف ڈکی بھائی کی اہلیہ عروب جتوئی کی عبوری ضمانت منظور کر دی۔

(جاری ہے)

عدالت نے عروب جتوئی کو 30 اگست تک گرفتار ہونے سے روک دیا ہے اور انہیں شامل تفتیش ہونے کا حکم دیتے ہوئے آئندہ سماعت پر تفتیشی افسر سے رپورٹ طلب کی ہے۔ایڈیشنل سیشن جج نے عروب جتوئی کی عبوری ضمانت سے متعلق درخواست کی سماعت کی، جس میں درخواست گزار کی جانب سے وکلاء عرفان کلیات اور راجہ عبدالرحمان رانجھا پیش ہوئے۔