سیکرٹری سپورٹس پنجاب کی زیر صدارت 39 نئی سپورٹس سکیموں کے پی سی ون کا جائزہ اجلاس

بدھ 20 اگست 2025 23:09

لاہور (اُردو پوائنٹ اخبارتازہ ترین - آن لائن۔ 20 اگست2025ء) سیکرٹری سپورٹس پنجاب مظفرخان سیال کی زیر صدارت اہم اجلاس منعقد ہوا ہے، بدھ کے روز نیشنل ہاکی سٹیڈیم میں ہونیوالے اجلاس میں ڈائریکٹرجنرل سپورٹس پنجاب خضرافضال چودھری ،ایڈیشنل سیکرٹری سپورٹس میاں عثمان علی، پی ڈی پی ایم یو قیصر رضا اور ڈپٹی سیکرٹری پلاننگ غزالہ کنول نے شرکت کی ہے،اجلاس میں 39سپورٹس سکیموں کے پی سی ون کا جائزہ لیا گیا۔

(جاری ہے)

سیکرٹری سپورٹس پنجاب مظفرخان سیال نے اجلاس سے خطاب کرتے ہوئے کہا ہے کہ پنجاب میں 88نئی سپورٹس سکیمیں پرکام کیا جارہا ہے،پنجاب کے تمام ڈویژن میں نئی سپورٹس سکیمیں تعمیر کی جارہی ہیں،نئے سپورٹس کمپلیکس، جمنازیم اور گراؤنڈزتعمیر کیے جارہے ہیں،پنجاب میں سپورٹس کا بہترین انفراسٹرکچر تعمیر کیا جارہا ہے، سیکرٹری سپورٹس پنجاب مظفرخان سیال نے مزید کہا ہے کہ جن سپورٹس سکیموں میں این او سی ودیگر مسائل ہیں ان کو فوری حل کیا جائے۔