پنجاب‘ دریاؤں کی سطح بلند، بند ٹوٹنے سے سیکڑوں بستیاں سیلابی پانی میں گھرگئیں

ڈی جی خان میں تونسہ کے مقام پر کچے کے علاقے زیرِ آب‘ 70 سے زائد بستیاں، پل اور سڑکیں متاثر

جمعرات 21 اگست 2025 15:38

پنجاب‘ دریاؤں کی سطح بلند، بند ٹوٹنے سے سیکڑوں بستیاں سیلابی پانی ..

تونسہ (اُردو پوائنٹ اخبارتازہ ترین - این این آئی۔ 21 اگست2025ء)پنجاب کے مختلف اضلاع میں تیز بارشوں کے باعث دریاؤں کی سطح بلند ہوگئی۔ذرائع کے مطابق پنجاب کے ڈیرہ غازی خان اور تونسہ میں دریائیسندھ سے متاثرہ علاقوں کا زمینی راستہ منقطع ہوگیا جس کے نتیجے میں 7 ہزار سے زائد لوگ اور 100 کیقریب بستیاں سیلابی پانی میں گھرگئیں۔

(جاری ہے)

ڈی جی خان میں تونسہ کے مقام پر کچے کے علاقے زیرِ آب آگئے جس کے نتیجے میں 70 سے زائد بستیاں، پل اور سڑکیں متاثر ہوئیں۔

بتایا جارہا ہے کہ کچے کے علاقے میں مقیم 150سے زائد لوگوں کو ریلیف کیمپوں میں منتقل کردیا گیا ہے۔ ادھر خیرپور ٹامیوالی میں حفاظتی بند ٹوٹ گیا جس سے آس پاس سیکڑوں ایکڑ پر محیط فصلیں تباہ ہونے کا خدشہ پیدا ہوگیا، صورتحال نے علاقہ مکینوں کو پریشان کردیا ہے۔