ڈی پی او سیالکوٹ کی کھلی کچہریاں ،شہریوں کے مسائل کے ازالہ کیلئے احکامات جاری

جمعہ 22 اگست 2025 15:10

سیالكوٹ (اُردو پوائنٹ اخبارتازہ ترین - اے پی پی۔ 22 اگست2025ء) ڈی پی او سیالکوٹ فیصل شہزاد نے سیالکوٹ اورسمبڑیال کے مختلف مقامات پر کھلی کچہریوں کا انعقاد کیا اور شہریوں کے مسائل کے ازالہ کیلئے احکامات جاری کئے ۔

(جاری ہے)

پولیس ترجمان کے مطابق ڈسٹرکٹ پولیس آفیسر سیالکوٹ نے جمعہ کو الیاس مارکی گوہدپور چوک تھانہ مراد پور،زیڈ آر مارکی عدالت گڑھا روڈ اگوکی تھانہ اگوکی ،نورمحل مارکی ائیرپورٹ روڈ تھانہ ائیر پورٹ ، جامعہ مسجد مدینہ الرسول گھمن کالونی تھانہ سمبڑیال میں کھلی کچہریوں کا انعقاد کیا جن میں لوگوں کی بڑی تعداد نے شرکت کی۔

ڈی پی او نے کھلی کچہری میں لوگوں کے مسائل دریافت کئے اور متعلقہ ایس ایچ اوز کو فوری انصاف کے احکامات جاری کئے ،کھلی کچہری میں موجود لوگوں نے ڈی پی اوکو پر جوش خراج تحسین پیش کیا۔ اس موقع پر ڈی پی او نے کہا کہ لوگوں کو جلد انصاف کی فراہمی ہماری اولین ترجیح ہے اور لوگوں کے مسائل حل کرکے جلد رپورٹ پیش کی جائے۔انہوں نے مزید کہا کہ کھلی کچہریوں کا سلسلہ جاری رہے گا،جرائم پیشہ عناصر کو کسی قسم کی رعایت نہیں دی جائے گی اور علاقہ سے جرائم کا خاتمہ کیا جائے گا۔