چیئرمین سینیٹ یوسف رضا گیلانی سے وفاقی وزیر سردار محمد یوسف، مولانا عبدالغفور حیدری، انور سیف اللّٰہ، صمصام بخاری اور بیلم حسنین کی ملاقات

جمعہ 22 اگست 2025 21:40

اسلام آباد (اُردو پوائنٹ اخبارتازہ ترین - اے پی پی۔ 22 اگست2025ء) چیئرمین سینیٹ سید یوسف رضا گیلانی سے وفاقی وزیر سردار محمد یوسف، رکن قومی اسمبلی مولانا عبدالغفور حیدری، سابق وفاقی وزیر انور سیف اللّٰہ، سابق صوبائی وزیر صمصام بخاری اور سابق رکن قومی اسمبلی بیلم حسنین نے ان کی رہائش گاہ پر ملاقات کی۔ملاقات میں رہنمائوں نے چیئرمین سینیٹ سے ان کے چچازاد بھائی مخدوم تنویرالحسن گیلانی مرحوم کے انتقال پر دلی تعزیت اور گہرے رنج و غم کا اظہار کیا۔

(جاری ہے)

اس موقع پر مرحوم کے ایصال ثواب کے لیے فاتحہ خوانی کی گئی اور بلندی درجات کے لیے دعائے مغفرت کی گئی۔شرکا نے مرحوم کی سیاسی و سماجی خدمات کو خراج تحسین پیش کیا اور کہا کہ ان کی یاد ہمیشہ زندہ رہے گی۔جمعہ کو سینیٹ سیکرٹریٹ سے جاری کردہ بیان کے مطابق اس موقع پر سید یوسف رضا گیلانی نے کہا کہ اہل خانہ کے لیے یہ سانحہ صبر آزما ہے، مگر دعائوں اور نیک خواہشات سے حوصلہ ملتا ہے۔چیئرمین سینیٹ نے کہا کہ مرحوم کی یادیں اور خدمات ہمیشہ دلوں میں زندہ رہیں گی۔