لاہورہائیکورٹ میں موسم گرما کی چھٹیوں کا ساتواں ہفتہ اختتام پذیر

ہفتہ 23 اگست 2025 17:53

لاہور (اُردو پوائنٹ اخبارتازہ ترین - این این آئی۔ 23 اگست2025ء) لاہور ہائیکورٹ میں موسم گرما کی چھٹیوں کا ساتواں ہفتہ اختتام پذیر ہو گیا ، آئندہ ہفتے چیف جسٹس مس عالیہ نیلم سمیت 16ججز سماعت کریں گے۔ لاہور ہائیکورٹ میں موسم گرما کی تعطیلات کے صرف دو ہفتے باقی رہ گئے ہیں۔ عدالت عالیہ میں موسم گرما کی تعطیلات کا آٹھواں ہفتہ پیر 25اگست سے شروع ہوگا۔

پرنسپل سیٹ پرآئندہ ہفتے چیف جسٹس مس عالیہ نیلم سمیت 16ججز مختلف مقدمات کی سماعت کریں گے۔

(جاری ہے)

اس دوران نہ صرف چار ڈویژن بنچز تشکیل دیئے گئے ہیں بلکہ چیف جسٹس سمیت 16ججز سنگل بنچز کی حیثیت سے بھی عدالتوں کی کارروائی جاری رکھیں گے۔ڈویژن بنچ نمبر ایک جسٹس عابد عزیز شیخ اور جسٹس ملک محمد اویس خالد پر مشتمل ہوگا۔ڈویژن بنچ نمبر 2میں جسٹس انوار حسین اور جسٹس ملک وقار حیدر اعوان سماعت کریں گے۔ڈویژن بنچ نمبر 3میں جسٹس علی ضیاء باجوہ اور جسٹس چوہدری سلطان محمود شامل ہیں۔ جبکہ ڈویژن بنچ نمبر 4میں جسٹس محمد جواد ظفر اور جسٹس طارق محمود باجوہ پر مشتمل ہوگا۔چیف جسٹس لاہور ہائیکورٹ سمیت 16ججز سنگل بنچ کی حیثیت سے بھی مقدمات کی سماعت کریں گے۔