امریکا نے بیرون ملک سے آنیوالے چھوٹے پیکجز پر ٹیرف کی چھوٹ ختم کردی

جمعہ 29 اگست 2025 23:23

واشنگٹن(اُردو پوائنٹ اخبارتازہ ترین - این این آئی۔ 29 اگست2025ء) امریکا نے بیرون ممالک سے آنے والے چھوٹے پیکجز پر ٹیرف کی چھوٹ ختم کردی۔غیر ملکی میڈیا کے مطابق ٹرمپ انتظامیہ نے 800 ڈالر تک کے پارسلز کے لیے ٹیرف کی چھوٹ ختم کی ہے جس سے چھوٹے کاروبار کرنے والوں میں تشویش پیدا ہوگئی ہے جبکہ اس اقدام سے قیمتوں میں اضافے کا بھی خدشہ ہے۔

(جاری ہے)

ٹرمپ انتظامیہ کے مطابق کم قیمت پارسلز کے ذریعے ٹیرف سے بچا جا تا ہے اور منشیات کی اسمگلنگ کی جاتی تھی۔

رپورٹ کے مطابق کچھ ذاتی اشیاء اور تحائف کے لیے استثنیٰ برقرار ہے۔ واضح رہے اس سے قبل یہ خبر سامنے آئی تھی کہ امریکی ٹیرف کے باعث 25 ممالک نے امریکا کے لیے پارسل سروسز معطل کر دی ہیں۔ ٹرمپ انتظامیہ نے اعلان کیا تھا کہ 29 اگست سے امریکا میں داخل ہونے والے چھوٹے پارسلز پر ٹیکس چھوٹ ختم کر دی جائے گی۔