متحدہ عرب امارات کا نواں بحری جہاز غزہ کے لیے7 ہزار ٹن امدادی سامان لے کر روانہ

اتوار 31 اگست 2025 08:30

دبئی (اُردو پوائنٹ اخبارتازہ ترین - اے پی پی۔ 31 اگست2025ء) متحدہ عرب امارات نے غزہ کے متاثرین کےلیے جاری مہم کے ایک حصے کے طور پر نواں بحری جہاز روانہ کیا ہے۔

(جاری ہے)

وام کے مطابق امارات کا نواں بحری جہاز ’حمدان‘ خلیفہ پورٹ ابوظبی سے روانہ ہوا، یہ مصری پورٹ العریش پر لنگر انداز ہوگا، جہاں سے امدادی سامان اتار کر غزہ کے محصور علاقے میں فلسطینیوں کے لیے روانہ کیا جائے گا۔اس جہاز پر7 ہزار ٹن امدادی سامان موجود ہے، جس میں 5 ہزار ٹن فوڈ پیکیج، ایک ہزار900 ٹن کچن کی اشیا ضرورت،100 ٹن ہیلتھ کیئر میڈیکل ٹینٹ اور پانچ مکمل آلات سے لیس ایمبولنیسں شامل ہیں۔