یوٹیوبر ڈکی بھائی کیخلاف تحقیقات کا دائرہ وسیع

ڈکی بھائی کو (آج)یکم ستمبر کو دوبارہ عدالت میں پیش کیا جائے گا

اتوار 31 اگست 2025 10:30

یوٹیوبر ڈکی بھائی کیخلاف تحقیقات کا دائرہ وسیع

لاہور(اُردو پوائنٹ اخبارتازہ ترین - این این آئی۔ 31 اگست2025ء)این سی سی آئی اے نے یوٹیوبر ڈکی بھائی کے خلاف جوا ایپس کی پروموشن کے مقدمہ میں تحقیقات کا دائرہ کار وسیع کر دیا۔ڈکی بھائی کی نشاندہی پر این سی سی آئی اے نے جوئے کی ایپ پروموشن مقدمے میں دیگر ملزمان کو بھی گرفتار کرنے کا فیصلہ کیا ہے۔

(جاری ہے)

این سی سی آئی اے کا کہنا ہے کہ ڈکی بھائی نے دوران تفتیش ایپ کی پروموشن میں ملوث دیگر ملزمان کی نشاندہی کی ہے، ڈکی بھائی نے جوئے کی ایپ پروموشن کی رقم دبئی کے اکانٹس میں منگوائی، ملزم ڈکی بھائی سے دبئی کے بینک اکانٹ سے متعلق بھی تفتیش جاری ہے۔

تحقیقاتی ایجنسی کے مطابق ڈکی بھائی سے جوئے کی دیگر ایپس سے متعلق بھی تفتیش کی جائے گی، ڈکی بھائی جسمانی ریمانڈ پر این سی سی آئی کی تحویل میں ہیں ، ڈکی بھائی کو (آج)یکم ستمبر کو دوبارہ عدالت میں پیش کیا جائے گا۔