پشاور، خواتین کے ساتھ ہراسانی واقعات کی روک تھام کیلئے پًینک بٹن نصب کرنے کا فیصلہ

اتوار 31 اگست 2025 17:50

پشاور(اُردو پوائنٹ اخبارتازہ ترین - این این آئی۔ 31 اگست2025ء) خیبرپختونخوا میں خواتین سے ہراسانی کے واقعات کی روک تھام کیلئے پًینک بٹن نصب کرنے کا فیصلہ کیا گیا ہے۔

(جاری ہے)

سینٹرل پولیس آفس کے مطابق پولیس نے خواتین سے ہراسانی کے واقعات کی روک تھام کیلئے صوبے بھرمیں پًینک بٹن نصب کرنیکا فیصلہ کیا ہے جس کے تحت پہلے مرحلے میں 68 پًینک بٹن پشاور میں نصب کی یجائیں گے جہاں خواتین کی نقل وحرکت زیادہ ہوگی وہاں پًینک بٹن لگائیجائیں گے۔

سی پی او کے مطابق پًینک بٹن کے ذریعے خواتین اپنی شکایت سے پولیس کو بروقت آگاہ کرسکیں گی، پًینک بٹن پولیس کنٹرول روم سے منسلک رہیں گے، اس بٹن کو دبانے سے شکایت کنندہ کی ویڈیو اور آواز کنٹرول روم کو موصول ہوگی۔سینٹرل پولیس آفس کے مطابق خواتین کے علاوہ دیگر شہری بھی اس سہولت سے استفادہ حاصل کرسکیں گے جب کہ پًینک بٹن اسٹریٹ کرائم کے واقعات پربروقت رسپانس میں بھی مددگار ثابت ہوگا۔