پنجاب بارکونسل انتخابات کے حوالے سے امیدواروں پر ضابطہ اخلاق کی پابندی لازم ،خلاف ورزی پرکارروائی ہو گی ،چوہدری محمد اشفاق

اتوار 31 اگست 2025 18:40

لاہور (اُردو پوائنٹ اخبارتازہ ترین - اے پی پی۔ 31 اگست2025ء) پنجاب بار کونسل کے وائس چیئرمین چوہدری محمد اشفاق کہوٹ نے کہا ہے کہ وکلاء جمہوریت کے سب سے بڑے علمبردار ہیں، کسی بھی طرح کے غیر معمولی حالات کے باوجود انتخابات کا بر وقت انعقاد اس کا منہ بولتا ثبوت ہے ،پنجاب بار کونسل کے انتخابات میں شفافیت کو یقینی بنانے کے لئے ضابطہ اخلاق کے ہر ایک نقطے پر عملدرآمد کو یقینی بنایا جارہا ہے ۔

(جاری ہے)

اپنے ایک بیان میں انہوں نے کہا کہ پنجاب بار کے انتخابات میں امیدواروں پر ہر صورت بار رولز 10اے کا اطلاق کیا گیا ہے ،کسی امیدوار نے ضابطہ اخلاق کی خلاف ورزی کی توبلا امتیاز 10بی کی کارروائی عمل میں لائی جائے گی ،انہوں نے کہاکہ فون پر ووٹ خریدنے والے ایک وکیل کا لائسنس معطل کرکے نوٹس جاری کر دیا گیا اور مزید انضباطی کارروائی عمل میں لائی جارہی ہے ،پنجاب بھر سے انتخابات میں حصہ لینے والے امیدواروں کو بلا کر ان سے قانون کی حکمرانی کی پاسداری اور ضابطہ اخلاق کی پابندی کرنے کی درخواست کی جاچکی ہے ۔