ساتویں عمر خطاب میموریل ٹینس ٹینس چیمپئن شپ اختتام پذیر

پیر 1 ستمبر 2025 20:00

پشاور(اُردو پوائنٹ اخبارتازہ ترین - این این آئی۔ 01 ستمبر2025ء) خیبر پختونخوا ٹینس ایسوسی ایشن کے زیر اہتمام ساتویں عمر خطاب خلیل میموریل خیبر پختونخوا ٹینس چیمپئن شپ اختتام پذیرہوگئی۔ انڈر 10 سنگلز فائنل میں محمد فیضان نے ریان عمر کو چار ایک، دو چار اور چار دو سے، انڈر 14 فائنل میں وقاص جانس نے زین رومان کو پانچ تین اور چار دو سے، انڈر 18 فائنل میں شاہ سوار نے ارسلان کو سات چھ اور چھ چار سے شکست دیکر ٹائٹل جیت لئے۔

انڈر 10 ڈبلز فائنل میں سالار اور دانیال نے ریان عمر خلیل اور محمد فیضان ا?فریدی کو دو چار، پانچ تین اور پانچ تین سے، مرد ڈبلز فائنل میں برکت اور اعصام نے شاہد ا?فریدی اور عزیر خان کو چھ چار اور چھ تین سے شکست دیکر ٹائٹل اپنے نام کئے۔ اختتامی تقریب کے مہمان خصوصی سابق صوبائی وزیر کھیل سید عاقل شاہ نے کھلاڑیوں میں انعامات تقسیم کئے۔

(جاری ہے)

خیبر پختونخوا اولمپک ایسوسی ایشن کے سیکرٹری ذوالفقار بٹ، چیئرمین خیبر پختونخوا ٹینس ایسوسی ایشن ڈاکٹر محمد طاہر، سینئر نائب صدر عمر ایاز خلیل، شاہد خان، اختر حسین اورکزئی، حاجی ملک اسد خلیل، حاجی ملک سعادت اللہ خان، نعمان، وکیل خان، انتخاب عالم اور دائود خان بھی اس موقع پر موجود تھے۔ جیتنے والے کھلاڑیوں میں 80 ہزار روپے نقد تقسیم کئے گئے۔

Facebook Twitter Google + Share on Whatsapp

ساتویں عمر خطاب میموریل ٹینس ٹینس چیمپئن شپ اختتام پذیر

متعلقہ عنوان :

مزید قومی خبریں