Live Updates

تحصیل پسرور میں8 لائیو سٹاک فلڈ ریلیف کیمپ لگائے گئے ہیں،ڈپٹی ڈائریکٹر لائیو سٹاک

بدھ 3 ستمبر 2025 13:50

سیالکوٹ (اُردو پوائنٹ اخبارتازہ ترین - اے پی پی۔ 03 ستمبر2025ء) تحصیل پسرور میں8 لائیوسٹاک فلڈ ریلیف کیمپ لگائے گئے ہیں اور جانوروں کو تمام ایمرجنسی ادویات سمیت حفاظتی ویکیسن لگائی جارہی ہیں۔ ان خیالات کا اظہارڈپٹی ڈائریکٹر لائیو سٹاک پسرور ڈاکٹر عقیل سہیل نے اے پی پی سے گفتگو کرتے ہوئے کیا۔

(جاری ہے)

انہوں نے کہاکہ تحصیل پسرور میں سیلابی صورتحال پر پہلے دن سے ہی 8 لائیوسٹاک فلڈ ریلیف کیمپ قائم کئے گئے ، کیمپ میں ادویات کے ساتھ ساتھ جانوروں کو حفاظتی ویکسین بھی لگائی جارہی ہیں ساتھ ساتھ لائیو سٹاک وین مختلف علاقوں میں جاکر بھی سروس فراہم کررہی ہے۔

انہوں نے بتایا ورک ، باجرہ گڑھی ، بڈیانہ ،بن باجوہ ، پسرور سٹی،کلاسوالہ ، چہور اور سہووال میں فلڈ ریلیف کیمپس کا انعقاد کیا گیا ہے ،متاثرین کے جانوروں کی مکمل دیکھ بھال جاری ہے اور جانوروں کیلئے حکومت پنجاب کی طرف سے خوراک ونڈا بھی تقسیم کیا جارہا ہے۔ انہوں نے کہا کہ ہماری ٹیمیں ہر وقت فیلڈ میں موجود ہیں اور صورتحال کنٹرول ہونے تک ہمارے کیمپ جاری رہیں گے۔