سعودی اعلی قیادت کا پرتگال میں ٹرین حادثہ پر تعزیتی پیغام

اتوار 7 ستمبر 2025 17:40

ریاض (اُردو پوائنٹ اخبارتازہ ترین - این این آئی۔ 07 ستمبر2025ء)خادم حرمین شریفین شاہ سلمان بن عبدالعزیز آل سعود اور ولی عہد مملکت شہزادہ محمد بن سلمان بن عبدالعزیز آل سعود نے پرتگال کے صدر مارسیلو ڈی سوزا سے ٹرین حادثے پر تعزیتی پیغام ارسال کیا ہے۔

(جاری ہے)

سعودی خبررساں ایجنسی کے مطابق خادم حرمین شریفین شاہ سلمان بن عبدالعزیز کی جانب سے ارسال کیے گئے تعزیتی پیغام میں کہا گیا کہ ہمیں لزبن شہر میں پہاڑی ٹرین کے حادثے کے بارے میں اطلاع ملی جس کے نتیجے میں متعدد افراد ہلاک و زخمی ہوئے، ہم اس سانحے پر آپ کے غم میں شریک ہیں اورہلاک ہونے والوں کے لواحقین سے دلی تعزیت پیش کرتے ہیں ساتھ ہی زخمیوں کی جلد صحت یابی کے لیے بھی متمنی ہیں۔