آٹے کی کمی اور قیمتوں میں اضافے پر کے پی حکومت کا وفاقی حکومت سے رابطہ

پیر 8 ستمبر 2025 23:26

پشاور (اُردو پوائنٹ اخبارتازہ ترین - این این آئی۔ 08 ستمبر2025ء)خیبر پختونخوا میں آٹے اور گندم کی کمی اور قیمتوں میں اضافے پر کے پی حکومت نے پنجاب اور وفاق حکومت کے ساتھ رابطہ کر لیا۔خیبر پختونخوا کے چیف سیکرٹری برائے محکمہ خوراک، شاہ محمود خان نے بتایا کہ صوبے میں آٹے کی قیمت کم کرنے کے لیے اقدامات کیے جا رہے ہیں، پنجاب اور وفاق حکومت کے ساتھ معاملہ اٹھایا ہے۔

سیکرٹری خوراک شاہ محمود نے مطالبہ کیا ہے کہ پنجاب کی جانب سے آٹے اور گندم کی ترسیل پر لگائی گئی پابندی ختم کی جائے۔چیف سیکرٹری کے پی نے کہا کہ آئین کے مطابق کوئی بھی صوبہ غذائی اجناس کی ترسیل پر پابندی نہیں لگا سکتا، گندم اور آٹے سے متعلق کے پی کا 83 فیصد انحصار پنجاب پر ہے، ہمارے صوبیمیں آٹیکی قیمت بڑھ رہی ہے اور ہم مشکلات سے دو چار ہیں۔

(جاری ہے)

چیف سیکرٹری کے پی نے مطالبہ کرتے ہوئے کہا کہ پنجاب آٹے اور گندم پر پابندی فوری طور پر ہٹائے۔دوسری جانب پنجاب کے چیف سیکرٹری نے جواب میں کہا کہ ہم پنجاب میں گندم پر سبسڈی دے رہے ہیں، پابندی کا مقصد دیگر صوبوں کو سبسڈی والی گندم کی ترسیل روکنا ہے۔اس پر چیف سیکرٹری کے پی نے کہاکہ آپ سبسڈی والی گندم کی ترسیل روکنے کے لیے اس پر ٹیگ لگا دیں۔

ذرائع کے مطابق چیف سیکرٹری پنجاب نے جواب میں کہا کہ ہمیں اپنی مِلز کے لیے گندم کی ضروریات فراہم کریں۔اس پر چیف سیکرٹری کے پی نے کہا کہ ہم نے گندم کی اپنی ضروریات پنجاب کو فراہم کردی ہیں، صوبائی حکومت نے وفاقی حکومت کو بھی گندم اور آٹا بحران سیمتعلق آگاہ کیا ہے۔سرکاری ذرائع نے بتایا کہ وفاقی حکومت نیمعاملے کو حل کرنے کی یقین دہانی کروائی ہے۔