جدہ سے لاہور آنے والی پرواز کی کراچی ایئرپورٹ پر ہنگامی لینڈنگ

پیر 8 ستمبر 2025 22:33

کراچی(اُردو پوائنٹ اخبارتازہ ترین - آن لائن۔ 08 ستمبر2025ء) سیرین ایئر کی جدہ سے لاہور آنے والی پرواز نے کراچی ایئرپورٹ پر ہنگامی لینڈنگ کی۔ایوی ایشن ذرائع کے مطابق سیرین ایئر کے طیارے میں اچانک تکنیکی خرابی پر طیارے کے کپتان نے کراچی ایئر ٹریفک کنٹرول کو ہنگامی لینڈنگ کی اجازت طلب کی۔

(جاری ہے)

سیرین ایئر کے کپتان نے طیارہ بحفاظت کراچی ایئرپورٹ لینڈ کیا، طیارے میں 200 سے زائد مسافر سوار تھے، جن میں زیادہ تر عمرہ زائرین تھے۔ذرائع کا کہنا ہے کہ طیارے کی جانچ کرنے پر معلوم ہوا کہ ایندھن لیک ہو رہا ہے، سی اے اے انسپکٹرز نے معاملے کی تحقیقات شروع کر دی جبکہ طیارے کی مرمت کیلئے ایئرلائن انجینئرز نے بھی اپنا کام شروع کر دیا۔