شکری،کڑ، ڈھیڈی، شامران، عیدل،سفیدہ، خضراوی،مکران کی کاشت سے بمپر کراپ حاصل ہو سکتی ہے،ترجمان ڈیٹ پام ریسرچ انسٹیٹیوٹ

جمعرات 11 ستمبر 2025 13:39

فیصل آباد (اُردو پوائنٹ اخبارتازہ ترین - اے پی پی۔ 11 ستمبر2025ء) ڈیٹ پام ریسرچ انسٹی ٹیوٹ کے ماہرین اثمار نے کہا کہ باغبان ستمبر کے وسط سے کھجور کے پودوں سے زیر بچے علیحدہ کرنے کا عمل شروع کر دیں جبکہ شکری،کڑ، ڈھیڈی، شامران، عیدل شاہ،سفیدہ، خضراوی،مکران،حلاوی، اصیل،زاہدی، کپڑا، ہیمن،بسرا، فصلی، تاروالی، ماکھی، حلینی اقسام کی کاشت سے کھجور کی بمپر کراپ حاصل ہو سکتی ہے۔

(جاری ہے)

انہوں نے بتایاکہ پنجاب میں ضلع جھنگ، مظفر گڑھ، ڈی جی خان، بہاولپور سمیت بعض دیگر شہروں میں کھجور کی اچھی پیداوار حاصل ہوتی ہے۔ انہوں نے کہاکہ ان علاقوں میں کھجور کے پودوں سے زیر بچے الگ کرنے کاعمل 15 ستمبر سے شروع کرکے 15 اکتوبر تک مکمل کیاجاسکتاہے۔ انہوں نے کہاکہ باغبان پودے لگانے سے 10،15 روز قبل3 مربع فٹ کے گڑھے بنا کر بھل سے بھر دیں اور اسے پانی بھی لگا دیں۔انہوں نے کہاکہ پودا لگاتے وقت دیمک سے بچاؤ کیلئے مناسب دوائی بھی استعمال کی جائے اوراس امر کا خیال رکھاجائے کہ زیر بچے کاوزن 15کلو گرام سے زائد نہیں ہوناچاہیے۔