wوزیر اعلیٰ پنجاب مریم نواز شریف کے ویژن اور عوام دوست فیصلے

۱پنجاب حکومت کا 57 ہزار گھروں کی تعمیر کا منصوبہ، پہلے مرحلے میں 20 ہزار گھروں کیلئے 41 سائٹس کا انتخاب مکمل

جمعہ 12 ستمبر 2025 21:05

+لاہور (اُردو پوائنٹ اخبارتازہ ترین - آن لائن۔ 12 ستمبر2025ء) وزیر اعلیٰ پنجاب مریم نواز شریف کے ویژن اور عوام دوست فیصلوں کے تحت صوبائی حکومت نے 57 ہزار معیاری اور سستی رہائشی مکانات کی تعمیر کا بڑا منصوبہ شروع کرنے کا فیصلہ کیا ہے۔ ترجمان محکمہ ہاؤسنگ پنجاب کے مطابق یہ مکانات صوبے کے 21 اضلاع میں سرکاری زمینوں پر تعمیر کیے جائیں گے۔ ترجمان کے مطابق منصوبے کے پہلے مرحلے میں 20 ہزار رہائشی مکانات کی تعمیر کے لیے صوبہ بھر میں 41 مقامات کا انتخاب مکمل کر لیا گیا ہے۔

(جاری ہے)

یہ رہائش گاہیں آسان اقساط پر مستحق افراد کو فراہم کی جائیں گی تاکہ عام شہری کم لاگت میں معیاری رہائش سے مستفید ہو سکیں۔ ترجمان کے مطابق منصوبہ پانچ سال میں مکمل کیا جائے گا اور رہائشی مکانات ورلڈ بینک اور پرائیویٹ سیکٹر کے اشتراک سے تعمیر کیے جائیں گے۔ رہائشی سکیموں میں عوام کو ضروریاتِ زندگی کے مطابق تمام سہولیات بہم پہنچائی جائیں گی۔ ترجمان محکمہ ہاؤسنگ کے مطابق تعمیرات کے دوران معیار کی جانچ اور منصوبے کی باقاعدہ نگرانی یقینی بنائی جائے گی جبکہ ماضی کے تجربات سے استفادہ کرتے ہوئے بہترین حکمت عملی کے تحت منصوبہ مکمل کیا جائے گا۔ ترجمان نے واضح کیا کہ منصوبے کو حتمی منظوری کے لیے صوبائی کابینہ میں پیش کیا جائے گا