تھانہ چمکنی کی حدود میں 13 ملزمان گرفتار، اسلحہ و منشیات برآمد

پیر 15 ستمبر 2025 15:42

پشاور (اُردو پوائنٹ اخبارتازہ ترین - اے پی پی۔ 15 ستمبر2025ء) پشاور کے تھانہ چمکنی کی پولیس نے سماج دشمن عناصر، آئس، افیون ، چرس اور غیر قانونی اسلحہ کے خلاف کریک ڈاون کرکے 13 ملزمان گرفتار کر کے اسلحہ و منشیات بر آمد کر لی۔

(جاری ہے)

کیپٹل سٹی پولیس تر جمان کے مطابق ایس ایچ او تھانہ چمکنی جاوید مروت نے دیگر نفری پولیس کے ہمراہ مختلف علاقوں میں منشیات فروشی اور دیگر جرائم میں ملوث ملزمان ملزمان دلاور ، گل خان ، داؤد ، رحمان اللہ ، محمد یار ، شیر علی ، نور محمد ، شیر ولی ، بلال ، سلمان ، روح اللہ ، عثمان اور ساجد کو گرفتار کرلیا۔

ملزمان کے قبضے سے دو عدد کلاشنکوف، 6 عدد پستول، ایک کلو گرام سے زائد افیون ، 392 گرام آئس، تین کو گرام چرس اور متعدد کارتوس بھی برآمد کرلئے گئے ہیں۔گرفتار ملزمان کے خلاف مقدمات درج کرکے تفتیش شروع کردی گئی ہے۔