صوابی، مارکیٹ تنازعہ پر عدالت میں تاریخ پیشی بھگتنے کے بعد واپس جانیوالوں پر موٹر سائیکل سوار کی فائرنگ، ایک جاں بحق

پیر 15 ستمبر 2025 21:40

صوابی(اُردو پوائنٹ اخبارتازہ ترین - این این آئی۔ 15 ستمبر2025ء) صوابی جہانگیرہ روڈ پر اسماعیل آباد کے مقام پر مارکیٹ کے تنازعہ جوڈیشل کمپلیکس شاہ منصور میں واقع عدالت میں تاریخ پیشی بھگتنے کے بعد واپس جانے والے بھائیوں پر موٹر سائیکل سوار کی فائرنگ سے ایک بھائی جاں بحق ہو گیا ، ارسلان خان سکنہ صوابی محلہ نظر خیل نے تھانہ صوابی میں ایف آئی آر درج کراتے ہوئے بتایا کہ وہ پیر کی سہ پہر اپنے بھائیوں عبدالقادر اور ہاشم کے ہمراہ بی بی اے میں ایڈیشنل سیشن جج وی کی عدالت میں پیشی کے بعد میں اور ہاشم موٹر کار میں جبکہ عبدالقادر موٹر سائیکل پر سوار واپس جارہے تھے ، جب ہم اسماعیل آباد کے مقام پر پہنچے تو وہاں موٹر سائیکل پر سوار فواد اور ان کا بھائی جواد سکنہ صوابی محلہ قاسم خیل پہنچے اور فواد نے اسلحہ آتشین سے ان کے بھائی عبدالقادر پر فائرنگ شروع کردی جس کے نتیجے میں وہ شدید زخمی ہوگئے جو بعد ازاں زخموں کی تاب نہ لا کر چل بسا ، رپورٹ میں وجہ عناد یوں بیان کی گئی ہے کہ ہمارا اور ملزمان کے مابین مارکیٹ پر مسئلہ اور تنازعہ ہے ۔