لاہورمیں تجاوزات کیخلاف آپریشن، ہوٹل ملازمین کا پیرافورس پر حملہ، اہلکاروں پر تشدد

منگل 16 ستمبر 2025 11:42

لاہور(اُردو پوائنٹ اخبارتازہ ترین - این این آئی۔ 16 ستمبر2025ء) غالب مارکیٹ گلبرگ میں تجاوزات کے خلاف آپریشن کے دوران ہوٹل ملازمین نے پیرا فورس پر حملہ کر دیا۔

(جاری ہے)

پولیس کے مطابق پیرا فورس پر حملے کا واقعہ 10 ستمبر کواُس وقت پیش آیا جب تہہ بازاری کا عملہ فردوس مارکیٹ میں تجاوزات کے خلاف آپریشن کر رہا تھا،حملہ ایک ہوٹل کے ملازمین نے کیا۔ پولیس کا بتانا ہے کہ حملہ آوروں نے پیرافورس کے اہلکاروں پر تشدد کیا اور ان کی وردیاں پھاڑڈالیں جس کے بعد پولیس نے مقدمہ درج کر کے 3 افراد کوگرفتار کر لیا۔مقدمے میں انفورسمنٹ انسپکٹر کی اسٹک چوری ہونے، سرکاری ملازمین پر حملے اور کارسرکار میں مداخلت سمیت 6 دفعات شامل کی گئی ہیں۔