کراچی‘ مزار قائد کے گیٹ کے قریب ڈکیتی، مزاحمت پر فائرنگ سے 2افراد زخمی

منگل 16 ستمبر 2025 12:12

کراچی(اُردو پوائنٹ اخبارتازہ ترین - این این آئی۔ 16 ستمبر2025ء)مزار قائد کے گیٹ کے قریب ڈاکوو?ں نے لوٹ مار کی واردات کے دوران دو شہریوں کو فائرنگ کر کے زخمی کر دیا۔

(جاری ہے)

تفصیلات کے مطابق بریگیڈ کے علاقے قائداعظم مزار گیٹ کے قریب پیر اور منگل کی درمیانی شب فائرنگ سے 2 افراد زخمی ہوگئے، زخمیوں کو ایدھی ایمبولینس کے ذریعے سول اسپتال منتقل کیا گیا۔پولیس کے مطابق زخمی ہونے والے افراد کی شناخت 25 سالہ علی ولد عبدالستار اور 26 سالہ محمد مہر خان ولد داد محمد بلوچ کے ناموں سے کی گئی، فائرنگ کا واقعہ ڈکیتی کی واردات کے دوران مزاحمت پر پیش آیا۔علاقہ پولیس نے زخمیوں کے بیانات قلمبند کرنے کے بعد تحقیقات کا آغاز کر دیا۔