ایف آئی اے امیگریشن کی پشاور ائرپورٹ پر کامیاب کارروائی،جعلی ویزے پر بیرون ملک جانے کی کوشش ناکام ،3 ایجنٹ گر فتار

منگل 16 ستمبر 2025 16:33

پشاور (اُردو پوائنٹ اخبارتازہ ترین - اے پی پی۔ 16 ستمبر2025ء) ایف آئی اے امیگریشن کی پشاور ائرپورٹ پر کامیاب کارروائی کرتے ہوئے جعلی ویزے پر بیرون ملک جانے کی کوشش ناکام بنا کر 3 ایجنٹ گر فتار کر لیے گئے ہیں۔

(جاری ہے)

تر جمان ایف آئی اے پشاور کے مطابق عادل رضا اور مشرف محمود نامی مسافر فلائٹ نمبر FZ376 کے ذریعے البانیہ جا رہے تھے کہ دوران تلاشی مسافروں کی جانب سے پیش کئے گئے البانیہ کے ورک ویزے جعلی نکلے،مسافروں کی نشاندہی پر ائرپورٹ سے 3 ایجنٹوں کو بھی گرفتار کر لیا گیا،گرفتار ایجنٹوں میں غلام دستگیر، محمد ریاض اور توقیر احمد شامل ہیں،گرفتار ایجنٹوں کا تعلق ناروال اور میرپور آزاد کشمیر سے ہے۔

گرفتار ایجنٹوں کو مزید تفتیش کے لیے اینٹی ہیومن ٹریفکنگ سرکل پشاور کے حوالے کر دیا گیا،مزید تفتیش جاری ہے۔