سعودی وزیر دفاع سے امریکی سینٹرل کمانڈ ر کی ملاقات

ملاقات میں امن وسلامتی کی مشترکہ کوششوں پرتبادلہ خیال کیاگیا

بدھ 17 ستمبر 2025 11:17

ریاض (اُردو پوائنٹ اخبارتازہ ترین - این این آئی۔ 17 ستمبر2025ء)سعودی وزیر دفاع شہزادہ خالد بن سلمان بن عبدالعزیز سے ریاض میں امریکی سینٹرل کمانڈ کے کمانڈرجنرل بریڈ کوپر نے ملاقات کی ۔

(جاری ہے)

سعودی خبررساں ادارے کے مطابق اس موقع پر دونوں دوست ممالک کے مابین عسکری اوردفاعی شعبوں میں تعاون کے علاوہ خطے کی تازہ ترین صورتحال کے حوالے سے ہونے والی پیش رفت اور بین الاقوامی امن وسلامتی کو برقرار رکھنے کے لیے مشترکہ کوششوں پرتبادلہ خیال کیا گیا۔

ملاقات میں سعودی چیف آف دی جنرل اسٹاف لیفٹیننٹ جنرل فیاض بن حامد الرویلی ، کمانڈر جوائنٹ فورسز لیفٹیننٹ جنرل فہد بن حمد السلمان اور وزیر دفاع کے مشیر برائے انٹیلی جنس امور ہشام بن عبدالعزیز بن سیف موجود تھے۔دوسری جانب امریکی سفارتخانے کے ہیڈ آف جانسری ایلیسن ورتھ کے ساتھ دیگر اعلی افسران بھی اس ملاقات کے موقع پر موجود تھے۔