Live Updates

دریائے راوی، ستلج اور چناب میں سیلاب کے باعث ہونے والے نقصانات کی رپورٹ جاری

بدھ 17 ستمبر 2025 13:04

لاہور (اُردو پوائنٹ اخبارتازہ ترین - اے پی پی۔ 17 ستمبر2025ء) پی ڈی ایم اے پنجاب نے دریائے راوی، ستلج اور چناب میں سیلاب کے باعث ہونے والے نقصانات کی رپورٹ جاری کر دی۔دریائے راوی ستلج اور چناب میں شدید سیلابی صورتحال کے باعث 47سو سے زائد موضع جات متاثر ہو چکے ہیں ۔ ریلیف کمشنر پنجاب نبیل جاویدنے اس حوالے سے بتایا کہ دریاوں میں سیلابی صورتحال کے باعث مجموعی طور پر 47 لاکھ 23 ہزار لوگ متاثر ہوئے ہیں ۔

شدید سیلاب سے متاثرہ اضلاع میں متاثرین کے لیے337 ریلیف کیمپس، 429 میڈیکل کیمپس بھی قائم کیے گئے ہیں جبکہ سیلاب میں پھنس جانے والے 26 لاکھ 11 ہزار لوگوں کو محفوظ مقامات پر منتقل کیا گیا ہے۔اس کے علاوہ مویشیوں کو علاج معالجے کی سہولت فراہم کرنے کے لیے 368 ویٹرنری کیمپس قائم کیے گئے ہیںاورمتاثرہ اضلاع میں ریسکیو و ریلیف سرگرمیوں میں 20 لاکھ 89 ہزار جانوروں کو محفوظ مقامات پر منتقل کیا گیاہے۔

(جاری ہے)

ریلیف کمشنر پنجاب نے بتایا کہ منگلا ڈیم 95 فیصد جبکہ تربیلا ڈیم 100 فیصد ،دریائے ستلج پر موجود انڈین بھاکڑا ڈیم 88 فیصد تک بھر چکا ہے جبکہ پونگ ڈیم 94 فیصد ، تھین ڈیم 88 فیصد تک بھر چکا ہے۔ انہوں نے بتایا کہ حالیہ سیلاب سے مختلف حادثات میں 118 شہری جانبحق ہوئے ہیں،وزیر اعلی پنجاب کی ہدایات کے پیش نظر شہریوں کے نقصانات کا ازالہ کیا جائے گااورسیلاب کے باعث ہونے والے نقصانات کا تخمینہ لگانے کے لیے سروے کا جلد آغاز کر دیا جائے گا ۔ سروے مکمل ہونے پر شفافیت اور آسان طریقہ کار سے شہریوں کے نقصانات کا ازالہ کیا جائے گا۔