وزیر داخلہ کا بنوں کے تھانہ میریان اور پولیس چیک پوسٹ مزانگہ میں فتنہ الخوارج کے دہشتگردوں کے حملے ناکام بنانے پر پولیس کو خراج تحسین

بدھ 17 ستمبر 2025 23:22

اسلام آباد (اُردو پوائنٹ اخبارتازہ ترین - این این آئی۔ 17 ستمبر2025ء)وفاقی وزیر داخلہ محسن نقوی نے بنوں میں تھانہ میریان اور پولیس چیک پوسٹ مزانگہ پر فتنہ الخوارج کے دہشتگردوں کے حملے ناکام بنانے پر پولیس کو خراج تحسین کیا ہے۔

(جاری ہے)

اپنے بیان میں وزیرداخلہ محسن نقوی نے 3 حملہ آور دہشتگردوں کو جہنم واصل کرنے پر خیبرپختونخوا پولیس کی پیشہ ورانہ صلاحیتوں کو سراہا۔

ان کا کہنا تھا کہ پولیس نے بروقت کارروائی کرکے خوارجیوں کے دونوں حملوں کو ناکام بنایا، فتنہ الخوارج کے دہشتگردوں کا جوانمردی سے مقابلہ کرنے والے پولیس اہلکاروں کو سلام پیش کرتا ہوں۔ محسن نقوی نے کہا کہ پولیس نے جرات اور دلیری کے ساتھ دہشتگردوں کا حملہ پسپا کیا،کے پی کے پولیس نے ہمیشہ شجاعت کی داستانیں رقم کی ہیں۔