مناواں میں فریقین کی فائرنگ سے ایک جاں بحق ، تین راہ گیرزخمی

بدھ 17 ستمبر 2025 22:34

لاہور(اُردو پوائنٹ اخبارتازہ ترین - آن لائن۔ 17 ستمبر2025ء) مناواں کے علاقے اعوان ڈھائے والا میں فریقین کے مابین فائرنگ کا تبادلہ ہوا جس کے نتیجے میں ایک شخص جاں بحق اور تین راہ گیر زخمی ہوگئے۔ پولیس کے مطابق جاں بحق شخص کی شناخت 28 سالہ فیاض کے نام سے ہوئی ہے۔ لاش پوسٹ مارٹم کے لیے مردہ خانے منتقل کردی گئی۔

(جاری ہے)

زخمیوں میں 42 سالہ لیاقت، اس کا 11 سالہ بیٹا وقاص اور ایک نامعلوم شخص شامل ہیں، جنہیں فوری طور پر طبی امداد کے لیے سروسز اسپتال منتقل کردیا گیا۔

ایس پی کینٹ قاضی علی رضا بھاری نفری کے ہمراہ جائے وقوعہ پر پہنچے اور شواہد اکٹھے کیے۔ ان کا کہنا تھا کہ واقعہ بظاہر دیرینہ دشمنی کا نتیجہ معلوم ہوتا ہے۔ پولیس نے مختلف پہلوؤں پر تحقیقات شروع کردی ہیں جبکہ فائرنگ میں ملوث ملزمان کی گرفتاری کے لیے ٹیمیں تشکیل دے دی گئی ہیں۔ انہوں نے یقین دلایا کہ ملزمان جلد قانون کی گرفت میں ہوں گے۔