�اہور/فیصل آباد/بہاولپور(اُردو پوائنٹ اخبارتازہ ترین - این این آئی۔ 17 ستمبر2025ء)پنجاب کے تعلیمی بورڈز نے انٹر میڈیٹ پارٹ ٹو کے سالانہ امتحان2025کے پوزیشن ہولڈر زطلبہ و طالبات کے ناموں کا اعلان کر دیا ،لاہور بورڈ میں مجموعی طور پر پہلی دوپوزیشنز طالبات جبکہ ایک طالبہ اور دو طلبہ نے مجموعی طور پر تیسری پوزیشن حاصل کی ،دیگر بورڈز میںبھی طلبہ و طالبات میں کانٹے کا مقابلہ ہوا ،تمام بورڈز انٹر میڈیٹ پارٹ ٹو کے نتائج کا باضابطہ اعلان آج جمعرات کے روز کریں گے۔
سیکرٹری لاہور بورڈ رضوان نذیر اور کنٹرولر امتحانات توصیف الرحمان نے پریس کانفرنس میںنمایاںپوزیشن لینے والے طلبہ و طالبات کے ناموں کا اعلان کیا ۔ بورڈ میں مجموعی طور پر پہلی پوزیشن کپس کالج شیخوپور ہ کی خدیجہ طاہرہ نے 1159نمبر لے کر حاصل کی جبکہ دوسری پوزیشن گورنمنٹ کنیرڈ کالج فار ویمن لاہور کی ملیحہ خان نے 1157نمبر لے کر حاصل کی جبکہ پنجاب کالج فار گرلز قصور کی حرم عرفان ،کپس کالج فار بوائز شیخوپورہ کے محمد تنویر احمد اور پنجاب کالج فار سائنس فیروز پور روڈ کے محمد شعبان نے 1156نمبر لے کر مجموعی طو رپر تیسری پوزیشن حاصل کی ۔
(جاری ہے)
پری میڈیکل طلبہ میں پنجاب کالج فار سائنس کے محمد شعبان اور کپس کالج فار بوائز کے محمد تنویر احمد نے 1156نمبر لے کر مجموعی طو رپر پہلی ،گورنمنٹ کالج یونیورسٹی لاہور کے افضال احمدنے 1154نمبر لے کر دوسری اور گورنمنٹ کالج یونیورسٹی لاہور کے ہی قاسم نور ضیاء نے 1153نمبر لے کر تیسری پوزیشن حاصل کی ۔ پری میڈیکل طالبات میں کپس کالج شیخوپور ہ کی خدیجہ طاہرہ نے 1159نمبر لے کر پہلی ،گورنمنٹ کنیرڈ کالج فار ویمن لاہور کی ملیحہ خان نے 1157نمبر لے کر دوسری ،پنجاب کالج فار گرلز قصور کی حرم عرفان نے 1156نمبر لے کرتیسری پوزیشن حاصل کی ۔
پری انجینئرنگ طلبہ میں یونیک کالج لاہورمحمد سبحانی نے 1150نمبر لے کر پہلی،پنجاب کالج فار بوائز برکی روڈ لاہور کے محمد ریحان نے 1137نمبرلے کر دوسری پنجاب کالج فار بوائز کیمپس بلیوارڈ ائیر لائن سوسائٹی لاہور کے مفلے احمد نے 1135نمبر لے کر تیسری پوزیشن حاصل کی۔پری انجینئرنگ طالبات میں پنجاب کالج فار گرلز گنڈا سنگھ قصور کی ہادیہ نے 1155نمبر لے کر پہلی ،کپس کالج فار گرلز فیروز پور روڈ قصور کی ایانا کفایت نے 1140نمبر لے کر دوسری جبکہ گورنمنٹ کنیئر ڈ کالج فار ویمن لاہور کی ماریہ اقبال نے 1132نمبر لے کر تیسری پوزیشن حاصل کی ۔
جنرل سائنس گروپ طلبہ میں پنجاب کالج ابدالین سوسائٹی لاہور کے محمد عثمان حامد نے 1136نمبر لے کر پہلی، پنجاب کالج آف شاہدرہ کے سبحان ظہور اور گورنمنٹ کالج یونیورسٹی لاہور کے حاجی عبد اللہ نے 1134نمبر لے کر مشترکہ طو رپر دوسری جبکہ پنجاب کالج آف انفارمیشن ٹیکنالوجی مسلم ٹائون لاہور کے محمد ابراہیم اور عبد اللہ نے 1130نمبر لے کر مجموعی طور پر تیسری پوزیشن حاصل کی ۔
جنرل سائنس گروپ طالبات یونیک ہائر سکینڈری سکول فار گرلز بحریہ ٹائون کی ہادیہ یوسف نے 1138نمبر لے کر پہلی،رفاہ انٹر نیشنل کالج شاہ کوٹ کی ایمان فاطمہ اور طلعت یاسمین کالج فار گرلز ننکانہ صاحب کی انفل انتخاب نے 1133نمبر لے کر مجموعی طور پر دوسری جبکہ پنجاب کالج فارویمن ابدالین ہائوسنگ سوسائٹی لاہور لاہور کی عائشہ اویس نے 1131نمبر لے کر تیسری پوزیشن حاصل کی ۔
آرٹس گروپ طلبہ میں گورنمنٹ کالج یونیورسٹی لاہور کے زریان احمد باجوہ نے 1110نمبر لے کر پہلی، کالج آف شارہااینڈ اسلامک سائنس ماڈل ٹائون کے محمد احمد نے 1084نمبر لے کر دوسری جبکہ گورنمنٹ کالج یونیورسٹی لاہور کے محمد خزاما اشرف نے 1060نمبر لے کر تیسری پوزیشن حاصل کی ۔آرٹس گروپ طالبات میں پنجاب کالج فار ویمن داروغہ والا لاہور کی ہانیہ ستار نے 1098نمبر لے کر پہلی، انفارمیٹکس کالج فار گرلز قصور کی عائشہ رشید نے 1090نمبر لے کر دوسری جبکہ احساس کالج فار گرلز کنگن پور کی عائشہ بشیر نے 1084نمبر لے کر تیسری پوزیشن حاصل کی ۔
کامرس گروپ طلبہ میں کوکورڈیا کالج فار بوائز قصور کے سرمد ساجد نے 1107نمبر لے کر پہلی،پنجاب کالج فار کامرس مسلم ٹائون لاہور کے حسیب احمد نے 1098 نمبر لے کر دوسری اور اسی تعلیمی ادارے کے سعد اشرف نے 1096نمبر لے کر تیسری پوزیشن حاصل کی کامرس گروپ طالبات میں پنجا ب کالج فارویمن گلبرگ کی عروج فاطمہ نے 1100نمبر لے کر پہلی، اسی تعلیمی ادارے کی نور فاطمہ نے 1089نمبر لے کر دوسری جبکہ پنجاب کالج فار ویمن چوبرجی لاہور کی لائبہ نعمان نے 1088نمبر لے کر تیسری پوزیشن حاصل کی ۔
بورڈ آف انٹرمیڈیٹ اینڈ سیکنڈری ایجوکیشن بہاولپور نے بھی پوزیشن ہولڈرز کے ناموں کا اعلان کر دیا۔ایف ایس سی کے پوزیشن ہولڈرز میں ہوریم اکرم نے 1164 نمبروں کے ساتھ پہلی پوزیشن حاصل کی۔ ابیھہ اعجاز نے 1163 نمبروں کے ساتھ دوسری پوزیشن جبکہ ملیحہ خان نے 1162 نمبروں کے ساتھ تیسری پوزیشن حاصل کی۔ ایف ایس سی پری میڈیکل گروپ میں ہوریم اکرم نے پہلی پوزیشن حاصل کی، جبکہ ابیھہ اعجاز دوسری اور امینہ فاطمہ اور عمارہ منیر نے تیسری پوزیشن مشترکہ طور پر حاصل کی۔
پری میڈیکل بوائز گروپ میں محمد معاویہ نے 1150 نمبروں کے ساتھ پہلی پوزیشن، محمد عبدالرافع نے 1149 نمبروں کے ساتھ دوسری پوزیشن اور محمد عبداللہ ضیا اور محمد عثمان نے 1146 نمبروں کے ساتھ تیسری پوزیشن حاصل کی۔پری انجینئرنگ گروپ میں ملیحہ خان نے 1162 نمبروں کے ساتھ فی میل میں پہلی پوزیشن، جبکہ زوہا احسن نے 1160 نمبروں کے ساتھ دوسری پوزیشن حاصل کی۔
پری انجینئرنگ بوائز گروپ میں محمد مصعب نے 1152 نمبروں کے ساتھ پہلی پوزیشن حاصل کی، جبکہ محمد فیضان نے 1150 نمبروں کے ساتھ دوسری پوزیشن حاصل کی۔جنرل سائنس گروپ میں فاطمہ آصف نے 1142 نمبروں کے ساتھ فی میل میں پہلی پوزیشن، عزہ نور نے 1140 نمبروں کے ساتھ دوسری پوزیشن حاصل کی، جبکہ اریبا غوث نے 1132 نمبروں کے ساتھ تیسری پوزیشن حاصل کی۔ جنرل سائنس بوائز گروپ میں عبدالرحمن نے 1142 نمبروں کے ساتھ پہلی پوزیشن، محمد عبداللہ نے 1131 نمبروں کے ساتھ دوسری پوزیشن حاصل کی، اور ابراہیم نے 1126 نمبروں کے ساتھ تیسری پوزیشن حاصل کی۔
ہیومنٹیز گروپ میں ایمن جعفر نے 1117 نمبروں کے ساتھ پہلی پوزیشن حاصل کی، زنیرہ صدیق نے 1075 نمبروں کے ساتھ دوسری پوزیشن، جبکہ نمرا شوکت اور نمرا نے مشترکہ طور پر 1073 نمبروں کے ساتھ تیسری پوزیشن حاصل کی۔ ہیومنٹیز بوائز گروپ میں سید عمیر اقبال نے 1048 نمبروں کے ساتھ پہلی پوزیشن، عثمان علی نے 1043 نمبروں کے ساتھ دوسری پوزیشن، اور سلمان اقبال نے 1042 نمبروں کے ساتھ تیسری پوزیشن حاصل کی۔
تعلیمی بورڈ فیصل آباد نے انٹرمیڈیٹ کی تمام کیٹیگریز میں پوزیشن ہولڈرز کے ناموں کا اعلان کر دیا۔جس میں پری میڈیکل، انجینئرنگ، پری انجینئرنگ، جنرل سائنس، ہیومینیٹیز اور کامرس سمیت تمام اہم شعبوں میں نمایاں پوزیشنیں حاصل کرنے والوں کے نام شامل ہیں۔ ان طلبا و طالبات نے اپنی محنت اور لگن سے شاندار نتائج حاصل کیے ہیں اور اپنے تعلیمی اداروں کا نام روشن کیا ہے۔
پری میڈیکل بوائز کی کیٹیگری میں پنجاب کالج ٹوبہ کے محمد زین نے پہلی پوزیشن حاصل کی، جب کہ پنجاب کالج فیصل آباد کے رانا محمد محمود احمد خان نے دوسری اور ایسپائر کالج جھنگ کے ثاقب مظہر نے تیسری پوزیشن حاصل کی۔پری میڈیکل گرلز میں محمد علی جناح گرلز ہائر سیکنڈری سکول، پینسرہ کی طوبہ اعجاز نے پہلی پوزیشن حاصل کی، جبکہ پنجاب کالج کی اریبہ شفیق نے دوسری اور زوہہ تبسم ایمان پبلک ہائر سیکنڈری سکول سوہل فیصل آباداور مائرہ خرم پنجاب کالج نے تیسری پوزیشن حاصل کی۔
انجینئرنگ بوائز کی کیٹیگری میں پنجاب کالج کے نعمان مجید نے پہلی پوزیشن حاصل کی، کپس فیصل آباد کے رانا فخر افتخار نے دوسری پوزیشن حاصل کی، جبکہ پنجاب کالج کے ریان احمد نے تیسری پوزیشن حاصل کی۔پری انجینئرنگ گرلز میں کپس کالج فیصل آباد کی رملہ یوسف اور ایسپائر کالج کی لائبہ نوید نے مشترکہ طور پر پہلی پوزیشن حاصل کی، جبکہ کپس کالج کی سارہ کنول نے دوسری اور پنجاب کالج کی ریتاج مجاہد اور ایگزیکٹو گرائمر سکول سمن آباد کی مہلکہ تنویر نے تیسری پوزیشن حاصل کی۔
جنرل سائنس بوائز کی کیٹیگری میں پنجاب کالج کے محمد ابو بکر نے پہلی پوزیشن حاصل کی، کپس کالج سمندری کے حافظ احمد زبیر نے دوسری اور کپس کالج سمندری کے محمد عبداللہ نے تیسری پوزیشن حاصل کی۔جنرل سائنس گرلز میں پنجاب کالج کی ماہنور عاصم نے پہلی پوزیشن حاصل کی، پنجاب کالج کی انیقہ ایمان نے دوسری اور فریحہ عثمان نے تیسری پوزیشن حاصل کی۔
ہیومینیٹیز بوائز کی کیٹیگری میں محمد علی جناح ہائر سیکنڈری سکول پینسرہ کے کمال ہنجرا نے پہلی پوزیشن حاصل کی، جب کہ مقصود احمد نے دوسری اور گورنمنٹ مولانا محمد ذاکر کالج بھوانہ چنیوٹ کے عمر اسلام نے تیسری پوزیشن حاصل کی۔ہیومینیٹیز گرلز میں گورنمنٹ گریجویٹ کالج سمندری کی اسفا ارشد نے پہلی پوزیشن حاصل کی، سپیریئر کالج تاندلیانوالہ کی طیبہ ارشد نے دوسری اور ٹپس کالج کی کومل بی بی نے تیسری پوزیشن حاصل کی۔
کامرس بوائز میں ایسپائر کالج جھنگ کے عبد اللہ شہزاد نے پہلی پوزیشن حاصل کی، پنجاب کالج کے عمر آصف نے دوسری اور سپیریئر کالج سٹی کیمپس کے محمد اویس نے تیسری پوزیشن حاصل کی۔کامرس گرلز میں پنجاب کالج کی اریبہ اجمل نے پہلی پوزیشن حاصل کی، پنجاب کالج کی ہی نور سحر نے دوسری اور ہادیہ ولید نے تیسری پوزیشن حاصل کی۔
