راولپنڈی ، گزشتہ 24 گھنٹوں میں ڈینگی کے 16 نئے کیسز رپورٹ،مجموعی تعداد374 ہوگئی

بدھ 17 ستمبر 2025 20:15

راولپنڈی (اُردو پوائنٹ اخبارتازہ ترین - این این آئی۔ 17 ستمبر2025ء)راولپنڈی میں گزشتہ 24 گھنٹوں کے دوران ڈینگی کے 16 نئے کیسز سامنے آگئے۔ محکمہ صحت کے مطابق شہر سے اب تک مجموعی طور پر 374 کیسز رپورٹ ہوچکے ہیں، ان میں سے 82 مریض اس وقت مختلف اسپتالوں میں زیر علاج ہیں۔

(جاری ہے)

محکمہ صحت کی جانب سے ڈینگی کے پھیلاؤ کو روکنے کیلئے اب تک 13 لاکھ 6 ہزار 235 مقامات کی جانچ پڑتال کی گئی، جن میں سے 1 لاکھ 45 ہزار 575 مقامات سے ڈینگی لاروا برآمد ہوا۔ایس او پیز کی خلاف ورزی پر 3 ہزار 845 مقدمات درج کیے گئے جبکہ 1 ہزار 677 مقامات کو سیل کردیا گیا۔ اس کیساتھ ساتھ 3 ہزار 285 چالان جاری کیے گئے اور 97 لاکھ 61 ہزار 7 روپے جرمانہ بھی عائد کیا گیا ہے۔