%کمشنر پنجاب سوشل سکیورٹی محمد علی کی زیر صدارت اجلاس، 3 ہسپتالوں کی کارکردگی کا تفصیلی جائزہ لیا گیا

بدھ 17 ستمبر 2025 20:55

;لاہور (اُردو پوائنٹ اخبارتازہ ترین - آن لائن۔ 17 ستمبر2025ء) پنجاب سوشل سکیورٹی کمشنر محمد علی کی زیر صدارت منعقدہ اجلاس میں سوشل سکیورٹی ہسپتال جڑانوالہ، ڈیرہ غازی خان اور مظفرگڑھ کی کارکردگی کا جائزہ لیا گیا۔ اجلاس میں متعلقہ ہسپتالوں کے ایم ایس نے آن لائن شرکت کرتے ہوئے بریفنگ دی۔اجلاس میں وائس کمشنر توقیر الیاس چمہ، میڈیکل ایڈوائزر ڈاکٹر حمیرا بزدار اور دیگر افسران بھی شریک ہوئے۔

(جاری ہے)

کمشنر نے جڑانوالہ ہسپتال گیٹ کی شفٹنگ کے عمل کو تیز کرنے، ڈیرہ غازی خان ایم این سی ایچ ہسپتال میں ایم اوز اور کنسلٹنٹس کی کارکردگی بہتر بنانے اور مظفرگڑھ ہسپتال میں طبی آلات کے معائنے کی ہدایات جاری کیں۔ اس موقع پر مظفرگڑھ ہسپتال کی پرفارمنس آڈٹ کا حکم دیتے ہوئے ڈائریکٹر سی آئی ٹی کو ایک ہفتے میں رپورٹ پیش کرنے کی ہدایت کی گئی جبکہ ڈائریکٹر ورکس کو مرمتی و مینٹیننس کے کام تیز کرنے کے احکامات دیے گئے۔ کمشنر نے کہا کہ محنت کشوں اور ان کے اہل خانہ کو علاج و معالجہ کی بہترین سہولیات فراہم کرنا اولین ترجیح ہے اور ہسپتالوں میں جدید طبی آلات کی فراہمی کو یقینی بنایا جا رہا ہی