Live Updates

وزیراعلیٰ کی ہدایت پر صوبائی وزیر سوشل ویلفیئر سہیل شوکت بٹ کاعلی پور کے سیلاب متاثرہ علاقوں کا دورہ

بدھ 17 ستمبر 2025 21:40

لاہور(اُردو پوائنٹ اخبارتازہ ترین - این این آئی۔ 17 ستمبر2025ء)وزیراعلیٰ پنجاب مریم نواز شریف کی ہدایت پر صوبائی وزیر سوشل ویلفیئر سہیل شوکت بٹ نے مظفرگڑھ کی تحصیل علی پور کے سیلاب متاثرہ علاقوں کا دورہ کیا۔ اس موقع پر ان کے ہمراہ سیکرٹری سوشل ویلفیئر جاوید اختر محمود، ایڈیشنل ڈپٹی کمشنر فنانس انعم حفیظ، ایم پی اے رانا منان ساجد اور ڈپٹی ڈائریکٹر سوشل ویلفیئر اظہر یوسف بھی موجود تھے۔

دورے کے دوران علی پور کے فلڈ ریلیف کیمپوں میں جاری امدادی سرگرمیوں کا جائزہ لیا گیا۔ وزیراعلیٰ مریم نواز شریف کی ہدایت پر متاثرہ خاندانوں میں ایک ماہ کے راشن بیگز تقسیم کیے گئے۔ آج 500 راشن بیگز متاثرین میں تقسیم کیے گئے جبکہ مزید 4500 بیگز این جی اوز کے تعاون سے فراہم کیے جائیں گے۔

(جاری ہے)

ایک ماہ کے راشن بیگ میں آٹا، آئل، چینی، دالیں، چاول، کھجوریں، چائے اور دیگر ضروری اشیاء شامل ہیں۔

مزید برآں متاثرہ خواتین میں 500 ہائی جین کٹس بھی تقسیم کی گئیں جن میں سینیٹری نیپکن، تولیے، صابن، کنگھی اور دیگر اشیائے ضرورت شامل تھیں۔سہیل شوکت بٹ نے اس موقع پر کہا کہ وزیراعلیٰ پنجاب مریم نواز شریف کی ہدایت پر سیلاب متاثرین کو ہر ممکن سہولت فراہم کی جارہی ہے اور حکومت پنجاب مشکل کی اس گھڑی میں متاثرہ عوام کے ساتھ کھڑی ہے۔