ھ*صوبائی وزیر سوشل ویلفیئر کی ہدایت پر فیروزوالا میں معذور افراد میں وہیل چیئرز تقسیم

ةمعذور افراد کی فلاح و بہبود معاشرے کی اجتماعی ذمہ داری ہے ، تقریب کے شرکاء کی اقدام کی ستائش

بدھ 17 ستمبر 2025 22:15

لاہور (اُردو پوائنٹ اخبارتازہ ترین - آن لائن۔ 17 ستمبر2025ء) صوبائی وزیر سوشل ویلفیئر سہیل شوکت بٹ کی ہدایت پر سوشل ویلفیئر اینڈ بیت المال فیروزوالا کے زیر اہتمام تحصیل ہیڈ کوارٹر فیروزوالا میں معذور افراد میں وہیل چیئرز تقسیم کی گئیں۔ اس موقع پر ایم پی اے پی پی-138 پیر اشرف رسول اور ایم پی اے عطیہ افتخار نے خصوصی شرکت کی اور مستحق معذور افراد میں وہیل چیئرز تقسیم کیں۔

(جاری ہے)

تقریب میں سابقہ چیئرمین میاں مشتاق، چوہدری زمان بھلہ، چوہدری ریاض، میڈم نویدا، ڈپٹی ڈائریکٹر سوشل ویلفیئر اینڈ بیت المال شیخوپورہ آمنہ بٹ، اسسٹنٹ ڈائریکٹر سوشل ویلفیئر فیروزوالا چوہدری زاہد رفیق گجر، انچارج ملک شہزاد، عبدالوحید خان، عبد الوہاب، ظفر اقبال بٹ اور بابا عبدالغنی سمیت دیگر معززین نے بھی شرکت کی۔ شرکاء نے اس اقدام کو سراہتے ہوئے کہا کہ معذور افراد کی فلاح و بہبود معاشرے کی اجتماعی ذمہ داری ہے اور اس سلسلے میں ایسے اقدامات حوصلہ افزا ہیں