Live Updates

پنجاب حکومت کا سیلاب متاثرہ طلبہ کیلئے فیس معافی پر غور

حتمی فیصلہ وزیر اعلیٰ پنجاب کی منظوری کے بعد کیا جائے گا، فیصلے کا اطلاق پبلک کالجز اور یونیورسٹیز پر ہوگا‘وزیر تعلیم

جمعرات 18 ستمبر 2025 12:01

لاہور(اُردو پوائنٹ اخبارتازہ ترین - این این آئی۔ 18 ستمبر2025ء) پنجاب حکومت نے سیلاب سے متاثرہ علاقوں کے طلبہ کیلئے ریلیف پیکیج پر غور شروع کر دیا۔وزیر تعلیم رانا سکندر حیات نے وزیر اعلیٰ پنجاب مریم نواز کو تجویز دی ہے کہ سرکاری تعلیمی اداروں کے طلبہ کی رجسٹریشن اور سمسٹر فیس معاف کر دی جائے۔

(جاری ہے)

وزیر تعلیم کے مطابق حتمی فیصلہ وزیر اعلیٰ پنجاب کی منظوری کے بعد کیا جائے گا، فیصلے کا اطلاق پبلک کالجز اور یونیورسٹیز پر ہوگا۔

صوبائی وزیر تعلیم رانا سکندر حیات نے مزید کہا ہے کہ اس اقدام سے سیلاب متاثرہ خاندانوں پر مالی بوجھ کم ہوگا اور طلبہ کو اپنی تعلیم جاری رکھنے میں سہولت میسر آئے گی، حکومت متاثرہ طلبہ کو تعلیم کے سلسلے میں ہر ممکن تعاون فراہم کرے گی تاکہ کوئی طالب علم تعلیم سے محروم نہ رہے۔