جوائے لینڈ کا ٹھیکہ من پسند کمپنی کو دینے کیخلاف درخواست پر ڈی جی پی ایچ اے گوجرانوالہ سے جواب طلب

جمعرات 18 ستمبر 2025 13:22

لاہور (اُردو پوائنٹ اخبارتازہ ترین - اے پی پی۔ 18 ستمبر2025ء) لاہور ہائیکورٹ نےخلاف قاعدہ جوائے لینڈ کا ٹھیکہ من پسند کمپنی کو دینے کے خلاف دائر درخواست پر ڈی جی پی ایچ اے گوجرانوالہ سے جواب طلب کرلیا۔جسٹس احمد ندیم ارشد نے شہری عبدالحفیظ راجہ کی درخواست پر ابتدائی سماعت کی۔

(جاری ہے)

درخواست میں پنجاب حکومت سمیت دیگر کو فریق بنایا اور موقف اختیار کیا گیا کہ پی ایچ اے گوجرانوالہ نے جوائے لینڈ کی تعمیر کا ٹھیکہ قواعد و ضوابط کو نظر انداز کرتے ہوئے من پسند کمپنی کو دیا۔استدعا کی گئی کہ جوائے لینڈ کی تعمیر کا ٹھیکہ کالعدم قرار دیا جائے تاکہ سرکاری وسائل کے غلط استعمال کو روکا جا سکے۔