چین کسی بھی بیرونی فوجی مداخلت کو ناکام بنانے کیلئے تیار

جنگل کے قانون سے بچنے کیلئے عالمگیر اتحاد کی ضرورت ہے، ڈونگ جون

جمعرات 18 ستمبر 2025 14:40

بیجنگ(اُردو پوائنٹ اخبارتازہ ترین - این این آئی۔ 18 ستمبر2025ء)چینی وزیر دفاع ڈونگ جون نے کہا ہے کہ چین کسی بھی بیرونی فوجی مداخلت کوناکام بنانے کیلیے ہر وقت تیار ہے۔چینی وزیر دفاع نے کہا کہ دنیا پر سرد جنگ کی ذہنیت چھائی ہوئی ہے، چین تائیوان کی آزادی کیلئے کسی علیحدگی کی کوشش کوکامیاب نہیں ہونے دے گا۔

(جاری ہے)

چینی وزیردفاع نے کہا کہ امن اورترقی کاموضوع موجودہ وقت کا بنیادی رجحان ہے، جنگل کے قانون سے بچنے کیلئے عالمگیر اتحادکی ضرورت ہے۔انہوں نے مزید کہا کہ بالادستی کی سوچ نے دوسری جنگ عظیم کی میراث کوجیو پولیٹیکل ٹول میں بدل دیا، خودمختار آزادی کے اصول سے انحراف بین الاقوامی برادری کو انتشار اور تنازعات میں ڈال رہا ہے۔