ایشوریا بیٹی کو اسکول سے پک کرنے تک کا سارا وقت والدہ کے گھر ہی گزارتی ہیں

ایشوریا زیادہ وقت والدہ کے گھر کیوں گزارتی ہیں اداکارہ کے پڑوسی نے پوری کہانی بتادی

جمعہ 19 ستمبر 2025 10:50

ممبئی (اُردو پوائنٹ اخبارتازہ ترین - این این آئی۔ 19 ستمبر2025ء)بھارتی فلم میکر پراہلاد کاکڑ نے گزشتہ برس ایشوریا رائے اور ابھیشیک بچن کے درمیان علیحدگی کی افواہوں کو جھوٹا قرار دیتے ہوئے ایشوریا کے روزانہ اپنی والدہ کے گھر جانے کی وجہ بتادی ۔بھارتی میڈیا کے مطابق فلم میکر پراہلاد کاکڑ اسی عمارت میں رہتے ہیں جس میں ایشوریا رائے کی والدہ رہائش پذیر ہیں۔

حال ہی میں بھارتی میڈیا کو دیے گئے انٹرویو میں پراہلاد کاکڑ نے بتایا کہ عموما ایشوریا ہی اپنی بیٹی کو اسکول کیلئے پک اینڈ ڈراپ کرتی ہیں، بیٹی کو ڈراپ کرنے کے بعد ایشوریا واپسی پر اپنی والدہ کے گھر آتی ہیں اور بیٹی کو اسکول سے پک کرنے تک کا سارا وقت والدہ کے گھر ہی گزارتی ہیں۔پراہلاد کاکڑ کے مطابق ایشوریا اپنی والدہ سے بے حد نزدیک ہیں، ان کی والدہ کی طبیعت ٹھیک نہیں ، اس لیے وہ اپنی والدہ کے حوالے سے کافی حساس ہیں۔

(جاری ہے)

دوران انٹرویو پراہلاد سے پوچھا گیا کہ کیا یہ افواہ سچ ہے کہ ایشوریا جیا بچن اور شویتا بچن کے ساتھ نہیں رہنا چاہتیں، یہی وجہ ہے کہ وہ اپنی والدہ کے گھر چلی گئی ہیں جواب میں پراہلاد نے بتایا کہ ایشوریا بچن خاندان کی بہو ہے، ابھیشیک اور ایشوریا کی طلاق کی افواہوں میں کوئی صداقت نہیں، میں جانتا ہوں کہ ایشوریا اپنی والدہ کے گھر کیوں جاتی ہی لوگ افواہیں اڑاتے رہے کہ ایشوریا ابھیشیک کو چھوڑ کر اپنی والدہ کے ساتھ رہ رہی ہے سب جھوٹ ہے کیوں کہ وہ اپنی والدہ کے ساتھ اس وقت تک وقت گزارتی ہے جب تک ان کی بیٹی اسکول میں ہو حتی کہ کبھی کبھار ابھیشیک بھی اپنی ساس سے ملنے جاتے رہتے ہیں۔